काठमाडाैं । उल्टो माेटरसाईकल यात्रा, टेनिसलगायत विभिन्न विधामा गिनिज बुक वर्ल्ड अप द रेकर्डमा नाम दर्ज गराउन सफल युवा चित्रकुमार कार्कीले राष्ट्रिय स्वतन्त्र पार्टी (रास्वपा)काे उदयपुर जिल्ला सभापतिमा निर्वाचित भएका छन् ।
रास्वपा कोशी प्रदेश खुल्ला सदस्यका तर्फबाट निर्वाचित चित्रकुमार कार्कीले उदयपुर जिल्ला संयोजककाे रुपमा निर्विरोध चयन भएका थिए । समाजसेवा पत्रकारिता क्षेत्र संगै मेचिमहाकालि उल्टो माेटरसाईकल यात्रीका रुपमा चिनिने गर्छन् ।
रास्वपाकाे जिल्ला सभापति निर्वाचित भएसँगै कार्कीले जिल्लाका सबै नगरपालिका तथा गाउँपालिकामा संगठन विस्तार गर्ने बताएका छन् । आफ्ना ठाउँका मुद्धाहरुलाई गहन तरिकाले उठाएर जनताको पक्षमा सधै बोल्ने र संगठन बिस्तारमा आफू तीब्र गतिमा लाग्ने कार्कीले बताए । बिहिवार रास्वपा जिल्ला पार्टी कार्यालयको सभाहलमा भएको कार्यक्रममा काेशी प्रदेश कार्यवाहक सभापति सरिन तामाङ , महामन्त्री लालविक्रम थापा लगाएतकाे विशेष उपस्थिति रहेको थियोे ।
