काठमाडौं । गीतकार संघ नेपालकाे १५ औं साधारणसभा एवम् ७औं अधिवेशनबाट गीतकार वसन्त वित्यासी थापाकने नेतृत्वमा नयाँ कार्यसमिति चयन भएको छ । यसअघि थापाकै अध्यक्षतामा रहेकाे संघको ७ औं अधिवेशनबाट गीतकार थापा पुनः अध्यक्षमा निर्विरोध निर्वाचित भएका हुन् ।
थापाकाे नेतृत्वमा चयन भएकाे संघकाे कार्यसमितिमा उपाध्यक्षमा रमेश काेईराला, महासचिवमा टीका राई शिव, सचिवमा शितल कादम्बिनी, काेषाध्यक्षमा चेतन खतिवडा पुनः दाेहाेरिएका छन् । उनीहरु निर्विरोध निर्वाचित भएका हुन् ।
त्यस्तै कार्यसमितिमा सदस्यहरुमा ६ जना आवश्यक रहेकोमा ८ जनाकाे उम्मेदवारी परेकाे थियो । कार्यसमिति सदस्यहरुमा जीवन मुकारुङ, रमेश दाहाल, कमल पाैडेल, गाेविन्द श्रृङखला, देवी पराजुली, विष्णु भण्डारी निर्वाचित भएका थिए ।
कार्यक्रममा प्रतिष्ठित गीतकार राजेन्द्र थापाको प्रमुख आतिथ्यमा सम्पन्न भएको थियो भने पूर्वमन्त्री वरिष्ठ गीतकार एसपी काेइराला, नेपाल सांगीतिक संघका महासचिव सुमन पण्डित, नारायण गाेपाल स्मृति प्रतिष्ठानका अध्यक्ष दिपक केसी, संघका पूर्व अध्यक्ष याेगेन्द्रमणि दाहाल, शुभ मुकारुङ लगायतका वरिष्ठ गीतकारहरुकाे उपस्थिति रहेको थियोे ।
