डिकेन्द्र बस्नेत, झापा । नेपाल उद्योग तथा व्यवसायी महासघं दमक नगर कमिटीले असोज ११ गते एकल साझ गर्ने भनि पत्रकार सम्मेलनमार्फत बताएको छ।
नेपाल उद्योग तथा ब्यवसायी महासंघ दमक नगर कमिटिले राष्ट्रिय कलाकार शिशिर योगीको प्रस्तुति रहेको एकल सांगितिक साँझ गर्ने भएपछि ब्यवसाय छोडेर मनोरञ्जनमा निस्कन नपाइ दिग्दारी भएका ब्यवसायीले एक साँझ भएपनि भरपूर मनोरञ्जन गर्ने भएका हुन् ।
उठ उठ नेपाली हो , आउछु भनी निस्ठुरिले भर किन पार्नु जस्ता चर्चित गित गाएर प्रख्यात गायक योगी अन्य भएका छन। यही असोज ११ गते झापाको दमकमा सांगितिक साँझ गर्ने कार्यक्रम तय गरिएको मंगलबार पत्रकार सम्मेलनको आयोजना गरि जानकारी गराएको हो ।
नेपाल उद्योग तथा ब्यवसायी महासंघ दमक नगर कमिटीका अध्यक्ष रमेश लुईटेलले कार्यक्रमको तयारीबारे जानकारी गराउँदै सांगितिक साँझमा चार सय बढी दर्शक आउने अपेक्षा रहेको बताए ।
पत्रकार सम्मेलनमा समितिका केन्द्रिय सदस्य प्रकाश अधिकारीले ब्यवसायीहरु नियमित ब्यवसायमा ब्यस्त रहने भएकाले बेला बेलामा यस्ता कार्यक्रम आयोजना गरेर मनोरञ्जन तथा ताजगी बनाउने उदेश्यका साथ कार्यक्रम गर्न खोज्नु सकारात्मक भएको बताए ।
कार्यक्रममा ब्यवसायी नेतृत्वहरु राम रिमाल, रिङकुमार आचार्य, रमेश अधिकारी, कृष्ण कार्की लगायतको उपश्थिति रहेको थियो ।
आयोजक रहेको महासघं दमकले साँगितिक साझको टिकट रु १००० शुल्क लाग्ने र सोहि टिकटमै रात्रिकालिन भोजनको पनि व्यवस्था गरेको छ। यस्तै जोडीका लागि भने टिकटको मुल्य मात्र रु १५०० राखेको छ।
