झापा । नेकपा माओवादी केन्द्र दमकको नवनिर्मित कार्यलय भवनको उदघाटन माओवादी केन्द्रका अध्यक्ष तथा पुर्व प्रधानमन्त्री पुस्प कमल दाहाल (प्रचण्ड)ले औंपचारिक रुपमा उदघाटन गर्नुभएको छ ।
दमक ८ बालुवाटारमा निर्मित पार्टी कार्यलयको भवन उदघाटन तथा कार्यकर्ताहरु सगँ भेटघाट कार्यक्रम भएको हो । झण्डै ६ वर्ष पछि झापा आउनुभएको अध्यक्ष प्रचण्डले केन्द्रीय नेता, प्रादेशिक नेता, जिल्ला तहका नेता तथा कार्यकर्ताहरु लाई सम्बोधनका क्रममा भन्नुभयो हामीले विगतमा गल्ति गरेकै हो त्यसकारण सम्पूर्ण देश बासिन्दासँग क्षमायाचन गर्छु ।
अब समाजवादको नयाँ आधार नबनाएसम्म आफू निरन्तर लागिपर्ने अहिले सम्मका अधिकार र उपलब्धि प्राप्तीका लागि विगतमा मजदुर, किसान, आदिवासी जनजाती, थारु, मुस्लिम लगायतको योगदानको प्रशंसा गर्दै ति समुदायको अधिकारको रक्षा र थप अधिकार प्राप्तिका लागि नयाँ ढंगबाट पार्टी अघि बढ्ने दाहालले उदघोष गर्नुभयो ।
दलाल, पुँजीवादी र नोकरशाहीहरुलाई छोडेर अब माओवादी नयाँ बाटोमा हिंडने संकल्पका साथ अघि बढेको पनि अध्यक्ष प्रचण्डले दोहोर्याउनु भएको छ । अध्यक्ष दाहालले कांग्रेस एमाले तर्फ लक्षित गदैै भने– मैंले भन्दिएको छु कि अब तिमीहरु तिम्रो बाटो हिंड, हामी हाम्रो बाटो हिंड्छौं ।
भोली (आइतबार) १० वजे विर्तामोड सिटी सेन्टरमा कार्यकर्ता प्रशिक्षण र पार्टी प्रवेश कार्यक्रम सकेर भोलि बेलुकै ३ वजे काठमाण्डौ फर्किने कार्यक्रम रहेको माओवादी केन्द्र दमकले जनाएको छ ।
