नेपालको संविधान धारा २६ को २ अधिकारलाई प्रयोग गर्दै आफ्नो आस्था अनुसारको गुठी दर्ता गरी सञ्चालन गर्ने व्यवस्था बन्यो । मुलुकी देवानी संहिता २०७४ को गुठि सम्बन्धि व्यवस्था गरेको छ । त्यहि देवानी संहिताको परिच्छेद ६ मा गुठी सम्बन्धी व्यवस्था बमोजिमको गुठी दर्ता गर्न नेपाल सरकारबाट २०७७ दर्ता गर्ने प्रावधान बनेको छ । “गुठी दर्ता सम्बन्धी निर्देशन २०७७ ” ७७ जिल्लाको मालमोत कार्यलयका अधिकृतहरूमा निर्देशन जारिएको छ । त्यसै अनुरूप नेपालमा भएका चर्चहरू सार्वजनिक गुठीमा गएर सम्पूर्ण सम्पत्तीको सुरक्षा गर्न सकिन्छ ।
तर याे व्यवस्था रहँदा रहँदै पनि ललितपुरकाे नखिपोट लोहाचोक स्थित नवोदय चर्चमा पास्टरहरू बिचमा आपसी मतभेत र असहमत भएका कारण चर्च भवन नै फुटाएर भागबण्डा गरिएको छ । नेपालमा चर्चहरू फुट्नु र भागबण्डा हुनु नाैलो कुरा होइन तर बेमेलका कारण बनिसकेको चर्च भवन नै फुटाएर भागबण्डा हुनुले पास्टरिय सेवाकाइमाथि नै प्रश्न खडा भएको छ ।
३७५.५९ र ३८१.५५ ब.मी क्षेत्रफल भएको जग्गा पास्टर एलिया प्रधान र पास्टर तेज जिरेलकी श्रीमती ज्योतिमाया लामा तथा भगवती घलेको नाममा रहेकाे बुझिएको छ । विश्वासीहरूले मिलेर परमेश्वरको नाममा किनेको जग्गामा बनेको चर्च भवन भागबण्डाको कारण भत्काइदैछ छ । चर्चको जग्गा व्यक्तिगत नाममा राख्नाले भागबण्डा हुँदा चर्च भवन आधा-आधा पार्नुपर्ने बाध्यता सृजना भएको छ। “अग्रज पास्टरहरूको यस्तो व्यवहारले विश्वासीहरू निरास भएको र पक्ष विपक्ष हुदा देसभर रहेकाे ख्रीष्टियनहरुकै गवाहि विग्रिएको” चर्चका एक सदस्यले गुनासाे गरेका छन् र अर्का एक अगुवाले यसको दीर्घकालीन समाधान नखोजे सम्म चर्चको सम्पत्ती भागबण्डाको जोखिम रहिरहने बताए ।
गल्ति जुनसुकै पक्षको भएतापनि चर्च भवन नै टुक्रा पार्नुले नेपाली इसाइ समुदायमा कस्तो छाप दिन्छ त्यो भने भविष्यले देखाउने छ । प्रेम, क्षमा र एकता प्रचार गर्नेहरू पास्टरहरूबाट नै यस्ता क्रियाकलाप हुनुले चर्चको सम्पत्तिहरू असुरक्षित छन् ।
चर्चकाे जमिन,भवन तथा बाईबल कलेजकाे जमिन बेचेर अनियमितता गरेकाे मात्र हैन समाधिस्थलकाे लागि गरिद गरेकाे जमिन समेतमा पास्टरहरुकाे कुदृष्टि परिरहेकाे त थियाे नै तर सेवारत चर्चनै भत्काएर भाग बण्डा गरिनुले नेपालका ख्रीष्टियन पास्टर भनिनेहरु धर्मकाे नाममा स्वार्थि रहेछन् भन्ने याे चर्च भागबण्डा काण्डले प्रमाणित गरेर देखाई दिएकाे छ।
तस्विर: सुमित नेपाली
