झापा । झापाको दमक ६ स्थित नवदुर्गा बहुउद्देश्यीय सहकारी संस्थाले २५ औं वार्षिक साधारणसभा सम्पन्न गरेको छ। मारवाडी सेवा समितिको हलमा मंगलबार सम्पन्न कार्यक्रममा जिल्ला सहकारी संघ झापाका अध्यक्ष गणेश ढकालको प्रमुख आतिथ्यता रहेको कार्यक्रममा संस्थाका अध्यक्ष प्रेम कुमार कोइरालाको अध्यक्षता रहेको थियोे ।
अध्यक्ष कोइरालाले संस्थाको वार्षिक प्रतिवेदन र लेखा सुपरीवेक्षण समितिका संयोजक कमल राज भटराईले लेखा प्रतिवेदन प्रस्तुत गरेका थिए ।
सभाको उद्घाटनमा सहकारी संघ झापाका अध्यक्ष ढकालसहित, दमक उद्योग वाणिज्य संघका अध्यक्ष गोपाल गुरागाई, जिल्ला बचत तथा ऋण सहकारी संघ झापाका अध्यक्ष तुलाराम न्यौपाने, जिल्ला सहकारी संघका लेखा समिति संयोजक चुडामणी ओझा, मेची बहुउद्देश्यीय सहकारीका सचिव राजेन्द्र दाहाल लगायतले शुभकामना मन्तव्य राखेका थिए ।
सहकारीका परिवारबाट हालै एसईइ परीक्षामा उत्कृष्ट अंक ल्याउने आयुसा निरौला र निरोज तिम्सिनालाई नगद तथा प्रमाणपत्रद्धारा पुरस्कृत गरिएको छ । त्यसैगरि, उत्कृष्ठ कर्मचारी साथै संस्थामा उत्कृष्ट कारोवार गर्ने शेयर सदस्यहरुलाई पुरस्कृत गरिएको संचालक समिति सदस्य रत्न धिमालले जानकारी दिए ।
२०५६ सालमा २६ जना सदस्यहरुबाट सञ्चालन भएको यस संस्था २५ औं वर्ष प्रवेशमा आइपुग्दा १३३० जना शेयर सदस्य रहेको सहकारीको शेयर पूंजी २ करोड १९ लाख ६७ हजार ९ सय,जगेडा कोषमा २ करोड १५लाख १३ हजार ८ सय ६७,अन्य कोषमा १ करोड ९४ लाख ८५ हजार ८ सय ७७ रहेको प्रतिवेदनमा उल्लेख छ । त्यसैगरि, संस्थाको वासलात २३ करोड ९६ लाख १८ हजार ४ सय ८२ रहेको सहकारीकि व्यवस्थापक धनकुमारी पौडेलले बताईन् ।
