सुचना चौतारी संवाददाता, झापा । दमकमा रहेको सुर्यदर्शन बचत तथा ऋण सहकारी संस्थाले आइतबारदेखि भदौ २६ गतेसम्म इकाईगत १५ औं साधारणसभा सुरु गरेको छ ।
संस्थाको आफ्नो सभा हलमा औंपचारिक रुपमा कार्यक्रम गरि इकाईगत साधारणसभा सुरु गरिएको संस्थाका प्रवन्धक निर्देशक अरुण भण्डारीले बताउनुभयो ।
सहकारीका अध्यक्ष टिकाराज सापकोटाको अध्यक्षता तथा जिल्ला सहकारी संघ झापाका अध्यक्ष गणेशप्रसाद ढकालको प्रमुख आतिथ्यतामा भएको इकाईगत साधारणसभाको उदघाटनमा संस्थाका अध्यक्ष सापकोटाबाट अध्यक्षको प्रतिवेदन, लेखा सुपरीक्षणका तर्फबाठ संयोजक डिल्लीराम मुखियाले लेखा प्रतिवेदन प्रस्तुत गर्नुभएको थियोे ।
जसमा आज दमक १, ८, ९ र १० मा भएका सेयर सदस्यहरुको सहभागितामा इकाईगत साधारणसभा सञ्चालन गरिएको हो । यस्तै भदौ २४ गते सोमबारका दिन दमक ४,५ र ६ का यसैगरी २५ गते दमक २,३ र ७ नम्बर वडाका सेयर सदस्यहरुको उपस्थितिमा इकाईगत साधारणसभा सञ्चालन गरिने भण्डारीले जानकारी दिनुभयो ।
अध्यक्ष सापकोटाले प्रस्तुत गरेको प्रतिवेदनमा संस्थाको अवस्था, अनुमानित बजेटसहित नीति तथा कार्यक्रमहरु प्रस्तावको रुपमा पेश गरिएको छ।
६ हजार ९ सय ९४ जना सेयर सदस्य रहेको सो सहकारीको १७ करोड ६९ लाख ४१ हजार १०० रुपैया चुक्ता सेयर पुजि पुगेको छ। त्यसतै कुल बचत १ अरब ७७ करोड ६४ लाख ८२ हजार ८५८ रुपैयाँ, कर्जा लगानी १ अरब ७३ करोड ३७ लाख ७१ हजार ७३१ रुपैया, बाह्य कर्जा १२ करोड ३७ लाख २६ हजार ४३ रुपैया रहेको संस्थाले निकालेको प्रतिवेदनमा उल्लेख गरिएको छ। सहकारीले गएको वर्ष कुल आम्दानी २६ करोड ६० लाख ७४ हजार ४१६ रुपैया आर्जन गर्न सफल भएको छ।
साधारणसभाको माइनुट प्रतिवेदनसहित प्रतिवेदन भने भदौ २६ गते आफ्नै सभाहलमा सम्पन्न गरिने संस्थाद्वारा वितरण प्रतिवेदनमा उल्लेख गरिएको छ।
