डिकेन्द्र बस्नेत, झापा । विर्तामोड नगर ईसाई समाज जवान संगतीको आयोजनामा जैतून छाँया भेटघाट तथा पत्रकार सम्मेलन झापाको विर्तामोडमा रहेको पपुलर होटलमा भव्य रूपमा सम्पन्न भएको छ। विर्तामोडमा रहेको वानस्टप महलको पछाडी रहेको कृष्ण हलमा असोज ३ गते गरिने जैतून छाँया कन्सर्ट सीजन ३ को भाग २ को बारे जानकारी दिन सो भेटघाट कार्यक्रम गरिएको थियो ।
सो कन्सर्टका लागि नेपाली ईसाई जगतका प्रख्यात गायक एड्रिन देवान तथा द सोजुनर्स ब्याण्ड आउने छन। जसमा गित सँगै जीवन गवाहि, र बाइबलको शिक्षा पनि दिइने कार्यक्रम रहेको छ।
उक्त कार्यक्रममा झापा जिल्ला ईसाई समाजमा आबद्ध नगर ईसाई समाज, ईलाका समाजका अध्यक्ष तथा सचिव, जवान समाजका अध्यक्ष र सचिव, झापा जिल्ला महिला ईसाई समाज, पत्रकारहरु सिलास राई, वीर बहादुर तामाङ तथा ईसाई समाजका पदाधिकारीहरुको उपस्थिति रहेको थियो।
जवान समाजका सल्लाहकार पास्टर जोएल भुजेलले जैतून छाँयाको उद्देश्य र अपेक्षा गरिएको परिणामहरू बारे प्रष्ट पार्नु भएको थियो। पास्टर भुजेलले पत्रकार भेटघाट मार्फत भने हामी, दुवै, आराधना र सुसमाचारिय संगीत र स्तुतिगानको उत्कृष्ट प्रस्तुतीद्वारा नेपालका विभिन्न सहरहरूमा बसोबास गर्ने साथै विश्वभरि नेपाली भाषा बोल्ने ईसाई समुदायमा, जोहरू कामले दबिएको, शहरको द्रुत गतिमा, बेचैन, व्यस्त जीवनहरू जीइ राख्नु भएका छन्, वहाँहरूलाई आराधना र ख्रीष्टको सेवामा नवीकरण गराउनका साथै हराएका आत्माहरूलाई पनि ख्रीष्टमा ल्याउन अस्तित्वमा रहेको बताए ।
बिर्तामोड नगर ईसाई समाज जवान संगती अध्यक्ष गायस शेर्पाले स्वागत गरेका थिए। जैतून छायाँ बारे बिर्तामोड ईसाई समाजका अध्यक्ष पास्टर नरेन राईले मन्तव्यको क्रममा भने संगीत परमेश्वरलाई मन पर्ने कुरा हो।बाइबल भरी संगीत रहेको र संगीतद्वारा परमेश्वरको महिमा गर्नु पर्छ।
यस्तै झापा जिल्ला ईसाई समाजका सचिव पास्टर राजु चाम्लिङले भने जवानहरुले जुन कदम उठाउनु भयो। यो सह्रानीय छ। यो सांगीतिक कार्यक्रम सुचनामुलक, जानकारीमुलक मात्र नभई सुसमाचार मुलक बनोस् । याे कार्यक्रम सांगीतिक माहोल बनोस्।
एनसिएफ कोसी प्रदेश अध्यक्ष पास्टर गंगा बहादुर आले मगरले भने जवानले एउटा असल र जटिल कामको थालनी गर्नु भएको छ। त्यस कार्य गर्न चुनौतीको साथ आँट चाहिन्छ। तपाईंहरूले जीवनमा ३ कुरा जान्दिन, हुँदैन, सक्दिन कहिल्यै गर्नु हुन्न। विश्व भरीमा मानिसहरूले एक अर्काको भाषा बुझ्दैन, तर संगीत बुझ्छ।संगीत सुसमाचार माध्यम बनोस्। गीत,संगीत मनोरञ्जन मात्र नभई समाज रूपान्तरण र आफू रूपान्तरण बनाउन आवश्यक छ।
पत्रकार होमराज राई कार्यक्रम आशिषमय आत्मिक लाभ बनोस्।समाजको एकता कायम राख्न यसले मुख्य भूमिका निर्वाह गरोस्। कार्यक्रम सफल बनाउन प्रार्थना र परामर्शको खाँचो रहेको बताउनु भयो।संगीत भनेको औषधी हो, युवा औषधी बनुन, मानिसहरूको आत्मिक र शारीरिक औषधी बनोस्।
बिर्तामोड जवान समाजले सांगीतिक माहोलमा सञ्चालन गरेको कार्यक्रमको अन्त्यमा झापा जिल्ला ईसाई समाजको पूर्व अध्यक्ष रेभ. तारा तामाङ्गको अन्तिमको प्रार्थनाद्वारा सम्पन्न भएको जवान सचिव डेभिड खवासले जानकारी गराए।
आयोजक रहेको ईसाई समाज विर्तामोडले कन्सर्टको टिकट प्री सेल रु.४०० आउटडोर रु.५०० स्पेशल रु.१००० शुल्क तोकेको छ।
