डिकेन्द्र बस्नेत, झापा । किङ्स नेपाल क्रिएसनको आयोजनामा “ इन्टर स्कुल प्रिन्स एण्ड प्रिन्सेस मोडल आइकन २०२४ ” सिजन २ को प्रथम र दोस्रो अडिसन एकसाथ शनिबार सम्पन्न भएको छ ।
दमकको कनकाई पार्टी प्यालेसम भएको मोडल आइकन २०२४ प्रतियोगितामा जुनियरतर्फ ७ वर्ष देखि ११ वर्षको उमेर समुह र सिनियरतर्फ १२ देखि १७ वर्षको उमेर समुहका सहभागी रहेको किङ्स नेपालका निर्देशक कृष्ण साहले बताए ।
उक्त प्रतियोगिताको निर्णयकमा आस्था कलेजका सहायक क्याम्पस प्रमुख तथा संस्थापक टिकाराम अधिकारी, दमक आदर्श बोर्डिङ स्कुलका प्रिन्सिपल शेखर कटुवाल, विद्यालक्ष्मी सेकेन्डरी बोर्डिङ स्कुलकी प्रिन्सिपल एलिजा सिटौला रहेका छन । त्यसैगरी मिस पूर्वाञ्चल मोडल आइकन सिजन १ का पब्लिक चोइस प्रथम निर्मला तामाङ, किङ्स नेपाल क्रिएसन कम्पनीका कोर्डिनेटर विकल थामी र इन्टर स्कुल प्रिन्स एण्ड प्रिन्सेस मोडर्न आइकन सिजन वानका विजेता मन्जिला ढुङ्गाना रहेका छन।
प्रतियोगितामा झापाको दमक, मोरङको उर्लाबारी र पथरीबाट भाग लिएका छन । प्रतिस्पर्धाबाट सिनियर र जुनियर क्याटेगोरीमा २०/२० जना प्रतिस्पर्धीहरु छानिएका छन। निर्देशक साहको अनुसार दोस्रो पटकको अडिसन केरखामा असार १५ गते हुनेछ। जस्मा केरखा, झिलझिले र दुधेबाट प्रतिस्पर्धीहरु सहभागी हुनेछन।
नानीहरूको लुकेका प्रतिभाहरूलाई विद्यार्थीहरू अध्ययनरत किशोर किशोरीमा अन्तर्निहित प्रतिभा प्रस्फुटन गराउने, विभिन्न जातजातिको कला संस्कृतिक पुस्ता हस्तान्तरण, संरक्षण र प्रवर्धन टेवा पुर्याउने, किशोर किशोरीमा देखिएका विभिन्न विकृति विसङ्गतिबाट अलग रहन प्रेरित गर्न यस इभेन्ट आयोजना गरिएको साहले बताएका छन। उनले भने भित्री निहित रहेका कला क्षमता साथै सौन्दर्य प्रदर्शन गर्न अवसर प्रदान गर्ने उद्देश्यका साथ यस किङ्स नेपाल क्रिएसन कम्पनीले सौर्न्दर्य प्रतियोगिता सिजन टु राखिएको हो।
