कृष्ण कुँवर,अबुधाबी । अन्तरार्ष्ट्रिय नेपाली कलाकार समाज इनास अबुधाबिले आयोजना गरेको इनास म्युजिकल् धमाका सीजन-२ मा नेपाली कलाकार हरुले बेजोड् प्रस्तुती दिंदा दर्शकहरु पसिना छुट्ने गरि छम्छमी नाचेका थिए।
नेपाल बाट आएका चर्चित गायक प्रमोद खरेल्, महेश काफ्ले, विश्व दोङ गायिका अस्मिता अधिकारी, सुनिता कार्की लगायत स्थानिय कलाकार हरुले गीत, अभिनय, नाच द्वारा दर्शक हरुलाई भरपूर मनोरन्जन दिएका थिए।
अबुधाबी शहरको मुटुमैं रहेको बस् स्टेशनको पछाडी फोल्कलोर थिएटर छ। सो नाट्यघर चौधसय बढी दर्शकहरुले भरिभराउ थियो। कुर्सीमा नअटेका दर्शक हलको छेउछाऊमा उभिईरहेका थिए। कलाकार हरूको प्रस्तुति हेर्न दर्शकहरु रसलखैमा, फुजेरा, दुबई, सारजा, अलयिन् लगाएत साउदी सिमानातिर बसेका टाढा-टाढाका नेपालिहरु पनि आएका थिए।
कार्यक्रम सफल पार्न नेपाली दुतावास युएईका राजदूत तेज बहादुर क्षेत्री दुतावासका कर्मचारीहरु, केहि स्थानिय अरबिक ब्यापारी हरूको पनि उपस्थिति रहेको थियो।
इनासले आयोजना गरेको कार्यक्रममा बिभिन्न संघ-संस्थाहरु र व्यवसायी हरुले सह-प्रायोजन गरेका थिए। पत्रकार, कलाकार, व्यवसायी, बुद्दिजीबी, श्रमिक् लगायत नेपाली संगितलाई माया गर्नेहरूको उपस्थिति रहेको कार्यक्रम तीन बजे देखी नौ बजेसम्म चलेको थियो।
कलाकार हरुले गीत गाउँदै र नाच्दै दर्शकहरुलाई गाउन लगाउँथे, दर्शकहरुले कलाकारलाई साथ दिंदै गाउँथे र हुटिंङ गर्थे। थिएटर गित,नाच र हुटिंङको आवाजले गुंजिएको थियो।
कार्यक्रमलाई सुन्दरता दिंदै पत्रकार महासंघका प्रतिनिधि पत्रकार उमाकान्त पाण्डे र रूपेश अधिकारीले सञ्चालन गरेका थिए।
