डिकेन्द्र बस्नेत, झापा । झापाको दमकमा खानेपानी तथा सरसफाई उपभोक्ता समितिको चुनावलाई लिएर केही समय यता माहोल तातिरहेको अवस्था छ । आगामी २३ गते हुने निर्वाचनमा अहिले खास गरी तीन वटा प्यानल बनाएर उम्मेद्धवारहरु चुनावी घरदैलोमा हिडिरहेका छन् । राष्ट्रिय स्वतन्त्र पार्टिले बिना संस्थागत समर्थन गरेको एउटा प्यानल रहेको छ भने एमाले, माओवादी , एकिकृत समाजवादीको अर्को र राप्रपा-काग्रेसको तेस्रो गठबन्धन छ ।
दलिय राजनीतिले देशका तमाम संगठन धरासायी बनाएको पृष्ठभुमीमा दमक खानेपानी तथा सरसफाई उपभोक्ता संस्था दमक झापाको चैत २३ गते निर्वाचनका सम्बन्धमा दमकका खानेपानीका उपभोक्ताहरुलाई मताधिकार विहिन बनाएको भन्दै राष्ट्रिय स्वतन्त्र पार्टी दमक नगर समितिले मंगलबार एक कार्यक्रमका बिच गम्भीर ध्यान आकर्षण गराएको छ ।
ध्यानाकर्षण पत्रमा भनिएको छ सामाजिक संघ संस्थाहरु सत्ता प्राप्तीको खुड्किलो बनाइएका मात्र छैनन ! कृषि, उद्योग, शिक्षा जस्ता समाजका आर्थिक खम्बाहरु दलिय राजनितीको सिकार भएका छन। जर्जर र धरासायी बनाइएका छन । अस्तित्वनै मेटिने गरी दलिय राजनितीको कृडास्थल बनाइएका छन । त्यसकारणले पनि राष्ट्रिय स्वतन्त्र पार्टीले सामाजिक संघ-संस्थामा दलीय राजनीतिक दाउपेच र सत्ता प्राप्तिको घोर विरोध गरि आएको छ, गर्दछ ।
विगतका राजनितिक दलहरु जुधेजस्तो गर्ने अन्त्यमा आएर आफैद्वारा रचित सिद्धान्त माथी घोडाचडी गठवन्धन नामको बहुरुपी, निर्लज्ज र नाङ्गो चरित्र देखाई आएको जगजाहेर छ । यस्तो चरिन नदेखाउन र देखाउने देखी सजग रहन आम उपभोक्ता तथा नगरवासीलाइ रास्वपा दमक नगर समिती हार्दिक अनुरोध गर्दछ ।
“तमासा” को नयाँ श्रृंखलाको रूपमा लगभग १३५०० खानेपानीको उपभोक्ता लाई कृतिम बहाना बनाएर मताधिकार वाट बंचित गर्ने र केवल ६१९४ (लगभग ४५%) मतदातालाई मात्र फोटो खिचाएका आधारमा मताधिकार दिने ! राज्यद्वारा दिईएको परिचयपत्रलाई अमान्य घोषित गर्ने, आफै र आफना कार्यकर्ताद्वारा भोट हाल्ने र आफै विजय घोषित गरेर विजयको रंग दल्दै माला लगाएर हिँड्ने जस्तो निर्लज्ज व्यवहार अरु कुनै नहुने भएकोले लोकतन्त्र र बालिग मताधिकारको सुगा रटाई नरट्न, संकिर्ण मानसिकता त्यागेर खानेपानी समितिमा सदस्य भएका आम उपभोक्ता आमावुवा दाजुभाई तथा दिदी बहिनी सबैलाई स-सम्मान मताधिकार दिन राष्ट्रिय स्वतन्त्र पार्टी दमक नगर समिति जोडदार माग दमक सभापति विवेक पाठक हस्ताक्षरित पत्रमा उल्लेख छ।
कार्यक्रममा रास्वपा क्षेत्रिय समिति सभापति देवि पाठक, दमक नगर सभापति विवेक पाठक, सचिव प्रविण पाठक लगाएत पार्टीका अन्य नेता तथा सदस्यहरुको उपस्थिति रहेको थियो ।
ध्यानाकर्षण पत्र बुझ्दै निर्वाचन समितीका संयोजक यज्ञ निरौलाले खाने पानी संस्थाको वर्तमान समितीले नै पास गरी तयार पारेको बिधानको आफुहरुले कार्यान्वयन गरेकोले आएको पत्रका बारेमा समितीलाई जानकारी गराउने बताउनु भएको छ ।
