डिकेन्द्र बस्नेत, झापा । कम्युनिष्ट पार्टीको उर्वरभूमि झापाको वागडोर सम्माल्ने विषयमा चुनावी चर्चा शुरु भएको छ । एमाले पार्टीको नेतृत्व गर्ने नेता जन्माएका, कम्युनिष्ट कार्यकर्ता उत्पादन केन्द्र रहेको मुलुकै लोकप्रिय जिल्ला झापाको नेतृत्व लिने विषयमा चुनावी बहस र छलफल शुरु हुन थालेको छ ।
देशकै ठूलो दल नेकपा एमालेको जिल्ला कमिटी झापाको आगामी वैशाख १४ र १५ गते ११ औं जिल्ला अधिवेशनले नयाँ नेतृत्व चयन गर्ने मिति तोकेको छ ।
अधिवेशनको मिति तोकिएपछि नेता,कार्यकर्ता र सर्वसाधारणमा चुनावी छलफल शुरु भएको हो । पार्टीको प्रदेश र जिल्ला हुँदै पालिका तहमा अधिवेशन गर्ने नीति अनुरुप जिल्लाको अधिवेशन मिति तोकिएको हो ।
जिल्ला कमिटीको आठौं पूर्ण बैठकले अधिवेशनको मिति तोकेको हो । अहिलेका कार्यवहाक अध्यक्ष प्रेमबहादुर गिरी र सचिव शिवकुमार ढुंगेल अध्यक्ष पदका आंकाक्षी छन्। जिल्ला अध्यक्ष दिपक कार्की पार्टीको केन्द्रीय सदस्य मनोनित भएसँगै अबको नेतृत्वको चर्चा चुलिएको एमाले कार्यकर्ताहरु बताउछन् ।
केपी ओली नेतृत्वको सरकारको पालाको भूमि आयोग झापाको जिम्मेवारी पाएका तत्कालिन खुदुनाबारीको गाविस अध्यक्ष, संविधानसभाका सदस्य रहेका गिरीको दाबी समेत बलियो रहेको एक थरी कार्यकर्ताहरु बताउछन् । भने अको थरी कार्यकर्ताहरु ढुंगेलको दावी वलियो रहेको बताउछन् ।
अनेरास्ववियुका जिल्ला हुदै केन्द्रीय नेतृत्व सम्म पुगेका ढुगेंल अध्यक्षको आंकाक्षी छन् । ७ वर्ष कार्यालय सचिव, १३ वर्ष जनसंगठनको प्रमुख, कमल गाउँपालिकाका ईञ्चार्ज, पार्टी स्कूल बिभागको उपप्रमुख रहेर उनले काम गरिसकेका छन् ।
