काठमाडौं । प्रदेश १ नामंकन संयुक्त संघर्ष समितिले आफ्नो मागलाई बेवास्ता गर्दै अवाञ्छित, छुद्र व्यक्तिको नेतृत्वमा मध्य पहाडी यात्राको नाममा जनताको भावनालाई कुल्चिने काम गरेको भन्दै प्रदेश १ बन्दको आह्वान गरेको छ ।
संयुक्त संघर्ष समितिले प्रेस बिज्ञप्ति जारी गर्दै भाेलि मंसिर ३० र पौष १ गते प्रदेश १ सबै यातायात बन्द गर्ने घोषणा गरेको छ । बिज्ञप्तिमा कोशी नाम खारेजी हुनुपर्छ भन्ने जनताको भावनालाई कदर गर्दै २०८० मंसिर २६ गतेदेखि मध्य पहाडी मार्गमा बिभिन्न चरणकाे बन्दको आयोजना गरिएको जनाएको छ । कार्यक्रमलाई सफल पार्न निस्केका पूर्ब संस्कृति मन्त्री गोपाल किरातीलाई खोटाङबाट पक्राउगरिइकाे छ भने , मुख्यमन्त्री केदार कार्कीलाई कालो भण्डा देखाएको आरोपमा संघर्ष समिति झापाको संयोजक पाण्डप लाल चौधरीलाई झापाकाे बिर्तामोडबाट पक्राउ गरेकाे छ।
खोटाङ , भोजपुर, धनकुटा, तेर्हथुम ,संखुवासभा, उदयपुर लगायतबाट ३५ जना नेताहरुलाई पक्राउ गरिएको जनाएको छ भने, पक्राउ परेका नेताहरुलाई निसर्त छोड्ने भनिएता पनि आज सम्म छाड्नु को सट्टा झुटो मुद्दाहरु लगाउने ,धनकुटामा अपराधि झैँ हतकडी लगाएर अमानबिय तरिकाले गिरफ्तार गर्ने ,साथै कोशी नाम खारेजी गरि बार्ताको माध्यमबाट समस्या समाधान गर्न छाडेर गृह प्रसासन तथा सरकार थप दमनमा उत्रिएको कारणले बाध्य भएर यहि मंगसिर ३० गते देखि पुस १ गते सम्म प्रदेस न .१ भर यातायात बन्द घोषणा गर्न बाध्य भएको बिज्ञप्तिमा उल्लेख छ ।
यस्ताे रहेकाे छ बन्दकाे कार्यक्रमहरु :
१) २०८० मंसिर ३० र पुष १ गते १ नं. प्रदेशभर यातायात बन्द ।
२) यति गर्दा पनि कोशी नाम खारेजी बारे प्रदेश सभा र सरकारले पहल गर्न तथा नेताहरुलाई नछाडे अनिश्चितकालीन आम हड्ताल घोषणा गर्न बाध्य हुनेछौ ।
३) पूर्ब घोषित लेगुवाघाट—चिवाभञ्ज्याङ बन्द लगायतको कार्यक्रम निरन्तर रहने ।
यस्तै , गयराति १२:३० बजे पाँचथर याङ्वरक थर्पुबाट प्रदेश नं. १ पुनःनामांकन संयुक्त संघर्ष समितिका संयोजक दिलकुमार लक्सम र संघीय लोकतान्त्रिक राष्ट्रिय मञ्च याङ्वरक गाउँपालिका अध्यक्ष पोलस्टार तावालाई आधारातमा ओछ्यानबाटै प्रहरीहरुले गिरफ्तार गरेका जनाइएको छ ।
