काठमाडौं । पूर्वशहरी विकास मन्त्री एवं नेकपा (एकीकृत समाजवादी)की सचिव रामकुमारी झाँक्रीले राष्ट्रपतिको निर्वाचनपछि नेपाली राजनीतिमा अस्थिरताबाट स्थिततातर्फको नयाँ कोर्स सुरु हुने बताएकी छन् ।
राष्ट्रपतिको निर्वाचन पछाडि नेपाली राजनीतिमा अस्थिरताबाट स्थिरतातर्फको एउटा नयाँ कोर्स सुरु हुन्छ । निर्वाचनमा राष्ट्रप्रमुखको लागि हाम्रो पार्टीले निर्णय गरिसकेको छ,’ उनले भनिन्, ‘त्यसपछि बन्ने राष्ट्रप्रमुखलाई स्वागत गर्दै गर्दा अव राष्ट्रिय राजनीतिमा नयाँ कोर्स अगाडि जानेछ, स्थायित्व प्राप्त गर्नेछ ।
झाक्रीले दुई वा दुईभन्दा धेरै दलहरू मिलेर सरकार बनाउने सन्दर्भमा गरिएका कतिपय अभ्यास नैतिकताको कसीमा ठिक नभएको बताएकी छन् ।
झाँक्रीले कतिपय अवस्थामा वाध्यात्मक भए पनि सत्ताका लागि ‘जहाँ जे पायक पर्छ, त्यही गरिरहने’ प्रवृत्ति राम्रो नहुने उल्लेख गरिन् । उनले उच्च नैतिकता र संस्कार राजनीतिले माथिबाटै ‘फलो’ हुनुपर्नेमा जोड दिएकी छन् ।
‘हामीले यस्तो निर्वाचन प्रणाली अवलम्बन गर्यौँ । एउटै दलले एकै पटकमा बहुमत प्राप्त गर्दैन । दुई वा दुईभन्दा धेरै दलहरू मिलेर सरकार बन्ने सन्दर्भमा कहिलेकाहीँ गरिएको असल अभ्यासहरू यसो हेर्दा खेरी नैतिकताको कसीमा ठिक पनि लाग्दैन । तर कतिपय अवस्थामा वाध्यात्मक पनि हुन सक्छन्,’ झाँक्रीले भनिन्, ‘तर केही न केही कोलिसन सरकारको मानकहरू, गठबन्धन सरकार कसरी चलाउने भन्ने केही स्टाण्डर्ड मानकहरू बनाउनुपर्छ । जहाँ जे पायक पर्छ त्यही नै कुरा गरिरहने कुरा त्यत्ति राम्रो हुँदैन । किनभने उच्च नैतिकता र संस्कार राजनीतिले माथिबाटै फलो गर्नुपर्छ ।’
कार्यक्रमलाई कांग्रेस नेतृ लक्ष्मी खतिवडा, प्रेरक वक्ता सुमी मानव, कार्यक्रमलाई कांग्रेस नेतृ लक्ष्मी खतिवडा, प्रेरक वक्ता सुमी मानव, मेयर बिमला राई, उपमेयर रमेश राउतले सम्बोधन गरेका थिए ।
