काठमाडाैँ। प्रतिनिधिसभाकाे बैठक हाल जारी छ। बैठक आज दिउँसाे १ बजेपछि सुरु भएकाे हाे। तर बैठकमा राष्ट्रिय स्वतन्त्र पार्टी (रास्वपा) भने सहभागी भएकाे छैन।
पार्टी केन्द्रीय कार्यालय बसुन्धारामा बैठक चलिरहेकाे कारण सांसदहरू प्रतिनिधिसभा बैठकमा अनुपस्थित नभएको एक सांसदले जानकारी दिए।
‘कार्यव्यतस्ताले गर्दा संसदमा जान नसकेकाे हाैँ। आज अधिकांश सांसद बैठकमा उपस्थित हुन सक्दैनाैँ’, उनले भने।( रास्वपा)को बैठक जारी छ। बैठकमा अब सरकारमा रहने या नरहनेबारे अन्तिम टुङ्गाे लगाइँदैछ।
प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा तत्कालीन उपप्रधान तथा गृहमन्त्री रहेका रास्वपा सभापति रवि लामिछानेकाे नागरिकता अवैध ठहर भएपछि गृहमन्त्रालय रास्वपाले नपाउने संकेत देखिएकाे छ।
रवि मात्र नभएर रास्वपालाई नै गृहमन्त्रालय दिन प्रधानमन्त्री तयार नदेखिएपछि अन्य मन्त्रालय लिएर सरकारमा रहने वा सरकारबाट बाहिरिने भन्ने विषयमा टुङ्गाे लगाउन उक्त बैठक बसिरहेकाे हाे।
स्राेतका अनुसार रास्वपाका अधिकांश नेता अन्य मन्त्रालय लिएर भए पनि सरकारमा सहभागी हुने पक्षमा छन्।File photo
