काठमाडौं । आशन्न मंशिर ४ को प्रतिनिधी सभा र प्रदेश सभा निर्वाचन २०७९ लाई केन्द्र विन्दुमा राखी नेपाली काङ्ग्रेस केन्द्रीय चुनाव प्रचार प्रसार अभियान अन्तर्गत नेपाल साँस्कृतिक संघ को टोली देश दौड्हामा निस्किएको हो।
देशका ७७ वटै जिल्ला र ७ प्रदेशमा निम्न संयोजकहरु रहनेगरि नेपाल साँस्कृतिक संघ केन्द्रीय कार्यसमिति का सम्पुर्ण देशभरका सदस्यहरु समेत उप समितिमा सदस्य रहनेगरि निर्माण उप समितिमा प्रदेश संयोजकमा १ नं. प्रदेश हेमन्त बुढाथोकी- झापा, २नं. मधेस प्रदेश जीवनाथ चौधरी-धनुषा,३नं.वागमती प्रदेश शिवहरि वैरागी नेपाल-सिन्धुपाल्चोक,४ नं.गण्डकी प्रदेश चोलेन्द्र पौड्याल-कास्की,५ नं. लुम्बिनी प्रदेश डिल्लीनारायण पाण्डे-रुपन्देही,६ नं.कर्णाली प्रदेश पुर्ण आचार्य-जुम्ला,७ नं.सुदुरपश्चिम प्रदेश सुरत राउत डोटेली कान्छा-कैलाली गरि ७ वटै प्रदेशमा संयोजकहरु तोकी केन्द्रीय निर्वाचन प्रचार प्रसार समितिले देशका ७७ वटै जिल्लामा संस्कृतिकर्मी तथा कलाकारहरुलाई परिचालन गरेको हो।
केन्द्रीय साँस्कृतिककर्मीहरुको टोली देशका ७ प्रदेशमा ससक्त परिचालन भईरहेको र हाल आफु १ नं. प्रदेश का विभिन्न जिल्लाहरुमा चुनावी अभियानमा सरिक भईरहेको नेपाल साँस्कृतिक संघका केन्द्रीय सभापति तिर्थ थापाले बताउनु भयो।
मोरङ.,सुनसरी का विभिन्न जिल्लाहरु हुँदै झापा तथा देशभरका जिल्लाहरुमा समेत प्रत्यक्ष चुनावी अभियानमा संयुक्त लोकतान्त्रिक वाम गठवन्धन का साझ उम्मेदवारहरुलाई विजय गराउन आफुहरुको अभियानले थप मद्दत पुग्ने केन्द्रीय चुनाव प्रचार प्रसार समन्वय उप समिति १ नं. प्रदेशका संयोजक हेमन्त बुढाथोकीले बताउनुभयो।
नेपाली काङ्ग्रेस केन्द्रीय प्रचार प्रसार समिति सदस्य विधादेवी तिमिल्सिनाको संयोजकत्वमा २०७९ कार्तिक ५ गते गठित नेपाली काङ्ग्रेस प्रतिनिधी सभा तथा प्रदेश सभा निर्वाचन साँस्कृतिक समन्वय तथा प्रचार प्रसार उप समितिमा नेपाल साँस्कृतिक संघ केन्द्रीय कार्यसमिति सदस्य लगायत ठूलो संख्यामा कलाकारहरुको उपस्थित रहेको छ।
