उमेश भुजेल – खोटाङ। खोटाङको दिक्तेल पाकोट मझुवागढी नगरपालिका पूर्णरुपमा आज देखी शिल गरिएको छ ।सदरमुकाम दिक्तेल बजारसँगै नगर भित्रका १५ वटै वडाहरु शिल गरिएको नगरपालिकाका नगरप्रमुख दिपनारायण रिजालले बताए ।आजबाट बाक्लो रुपमा प्रहरी परिचालन गरिएको छ । कोरोना भाइरस कोभिड १९ लाई नियन्त्रण गर्नका लागि नगर भित्रका नागरिकहरुलाई हिडडुल गर्नलाई पनि पूर्णरुपमा प्रतिबन्द लगाइएको छ ।
जिल्लामा कोरोना संक्रमितको दर उच्च हुँदै गएको र संक्रमित हरुको निधन समेत हुन थालेको कुरालाई मध्येनजर गर्दै सो को नियन्त्रण गर्न नगरपालिकाका सबै वडाहरु शिल गरिएको छ । सबै नगरबासीहरुले पूर्ण परिपालना गरी कोभिड बाट बच्न बचाउन समेत नगर प्रमुख रिजालले नगारिकहरुलाई अनुरोध गरेका छन ।
संक्रमितहरुले नगरपालिकाको आइसोलेसन वा होम आइसोलेसन मा सुरक्षित साथ बस्नुहोला, श्वास्थ्य समस्या भएमा नगरपालिका संग सिधा सम्पर्क गर्न र सहयोग लिन समेत नगरबासीहरुलाई भनेका छन । नगरबासीको श्वास्थ्य सुरक्षाको लागि नगरपालिका सहयोग गर्न तयार रहेकोले श्वास्थ्य मापदण्ड अपनाएर घरमै बस्न र आपत परे नगरपालिकालाई जानकारी गराउन रिजालले अनुरोध गरेका छन ।
