काठमाडौं जेष्ठ ६ । नेपालमा कोरोनाभाइरस संक्रमण महामारी फैलिरहेका बेला स्पेन सरकारले दिएको स्वास्थ्य सामग्री बिहीबार काठमाडौं आइपुगेको छ ।
कोरोनाभाइरस संक्रमणको उपचार तथा रोकथामका लागि स्पेनले दिएको स्वास्थ्य सामग्री बोकेर आएको चार्टर्ड विमान बिहीबार काठमाडौंको त्रिभुवन अन्तर्राष्ट्रिय विमानस्थलमा अवतरण गरेको हो ।
स्पेनका लागि नेपाली राजदूत दावाफुटी शेर्पाको पहलमा ल्याइएको भेन्टिलेटर, अक्सिजन कन्सनट्रेटर, एन्टिजिन टेस्ट किट, पीपीईलगायत स्वास्थ्य सामग्री स्वास्थ्य तथा जनसंख्या मन्त्री हृदयेश त्रिपाठीले विमानस्थलमै पुगेर बुुझेका छन् ।
