उमेश भुजेल- जेठ ५, खोटाङ। खोटाङमा कोभिड १९ को संकटको समयमा पनि एम्बुलेनस प्रर्याप्त नभएको पाइएको छ । जिल्लामा हालसम्म ९ वटा मात्र एम्बुलेन्स सञ्चालनमा रहेका छन् । १० स्थानीय तह रहेको जिल्लामा कोरोना भाइरसको संक्रमण दर दिन प्रतिदिन वढिरहेको भएपनि जिल्लामा विरामीलाई अस्पतालसम्म लगनको लागी प्रार्याप्त एम्बुलेनस नभएको जिल्ला स्वाथ्य कार्याय खोटाङको स्वाथ्य अधिकृत आनन्दा लामिछानेले बताए ।
जिल्लाको केही स्थानीय तहलाई खोटाङ सेवा समाज हङकङले खरिद गरिदिएको एम्बुलेन्स सञ्चालनमा छन भने केहि स्थानीय तहमा एम्बुलेन्स नै नभएको पाइएको छ । आर्थिक वर्ष ०७६/०७७ मा स्वास्थ्य तथा जनसंख्या मन्त्रालयले देशभरका स्थानीय तहमा एम्बुलेन्स सेवालाई अनिवार्य बनाएको थियो । सरकारी प्रावधानलाई मान्ने हो भने सबै स्थानीय तहमा एम्बुलेन्स सेवा अनिवार्य हुनु पर्दछ । मन्त्रालयको एम्बुलेन्स शाखाका अनुसार महानगरपालिका र उपमहानगरपालिकामा ४/४ वटा, नगरपालिकामा ३ र गाउँपालिकामा २ वटा एम्बुलेन्स अनिवार्य हुनुपर्ने प्रावधान रहेको छ ।
तर खोटाङ जिल्लाका कुनै पनि स्थानीय तहमा पालिकाले खरिद गरेका एम्बुलेन्स छैनन् । जिल्लाको खोटेहाङ,दिप्रुङचुइचुम्मा,जन्तेढुंगा, केपिलासगढी र ऐशेलुखर्क गाउँपालिका र दिक्तेलरुपाकोट मझुवागढी नगरपालिकालाई खोटाङ सेवासमाज हङकङले खरिद गरेको एम्बुलेन्स सञ्चलनमा रहेको बताइएको छ । जिल्लको हलेसीतुवाचुङ नगरपालिका, बराहापोखरी, शाकेला, र केपिलासगढी गाउँपलिका गाउँपालिकामा भने हालसम्म एम्बुलेन्स चालु अवस्थामा नहरेको जिल्ला स्वास्थ्य कार्यालय खोटाङले जनाएको छ ।
यता रावावेसी गाउँपालिलाई भने हौचुर बासीको आर्थिक सहयोगमा गाउँपालिकाले खरिद गरीएको एम्बुलेन्स हाल चालु अवस्थामा रहको प्रमुख प्रशासकीय अधिकृत रेख बहादुर थापाले बताए । जिल्लाको बराहापोखरी गाउँपालिकाले भने एम्बुलेन्स खरिद प्रक्रिया अन्तिम चरणमा रहेको जनाएको छ । सबै प्रक्रिया पुरा भइसकेकोले केहि दिन भित्रै पालिकामा एम्बुलेन्स सञ्चालनमा रहने प्रमुख प्रशाशकीय अधिकृत मान बहादुर बनले बताउन भयो ।
यस्तै ऐशेलुर्खक गाउँपालिकाले पनि एम्बुलेन्स खरिदको सबै प्रकृया गरेको केहि दिन भित्रमै पालिकामा सञ्चालन रहेको गाउँपालिकाका सुचना अधिकारी सिजन राईले बताए । जिल्लाको केपिलासगढीमा गाउँपालिकामा भने खोटाङ सेवा समाज हङकङले खरिद गरेको एम्बुलेन्स भएता पनि हाल चालु अवस्थामा नरहेको प्रमुख प्रशाशकिय अधिकृत छविलाल राईले जानकारी दिए । जिल्लाको हलेसी तुवाचुङ नगरपालिकामा भने भारतीय तुतावासका सहयोगमा एम्बुलेन्स गरिद गरिएको भए पनि हालसम्म चालु अवस्थामा नरहेको हलेसी तुवाचुङ नगरपालिकामा मेयर इवन राईले बताए ।
हामी सँग कुरा गर्दै मेयर राईले कोभि १९ लाई मध्य नजर गर्दै नगरपालिकाको उपमेयर विमला राईले प्रयोग गर्दै आएको गाडी एम्बुलेन्स को रुपमा प्रयोग गर्न थालिसकेको र नगरपालिकाको अर्को गाडीलाई पनि एम्बुलेन्समा प्रयोग गरिने जानकारी दिए । यता जिल्लाको शाकेला गाउँपालिकाले भने हालसम्म एम्बुलेन्स खरीत प्रकृया अगाडी नवडाएको गाउँपालिकाकी उपध्यक्ष सरिता खड्काले बताइन् । कोभिड १९ लाई मध्य नजर गर्दै स्थानीयका दुइ निजी गाडीहरुलाई एबुलेन्सको रुपमा तयारी अवस्थामा राखीएको उहनले जानकारी दिइन ।
जिल्लाको सदरमुकाम समेत रहेको दिक्तेल रुपाकोट मझुवागढी नगरपालिकामा भने खोटाङसमाज हङकङले खरिद गरेको एउटा एम्बुलेन्स चालु अबस्थामा रहेको प्रमुख प्रशाशकीय अधिकृत टेकनाथ दाहालले बताए । सबै भन्दा धेरै वडा रहेका नगरपालिकामा हालसम्म एम्बुलेन्स खरीद गर्ने प्रकृया अगाडी नवढाए पनि कोरोना संक्रमण भरि मेयर दिपनारायाण रिजाल र उपमेयर विणदेवी राईले प्रयोग गर्ने गाडीलाई एम्बुलेन्समा प्रयोगर्न थालि सकेको उनको भनाइ छ ।
यो संगै जिल्लामा दिक्तेल रुपाकोट मझुवागढी नगरपालिकाको वडा नं ५ लफ्याङ, नेपाल रेडक्रस सोसाईटी शाखा खोटाङ र जिल्ला अस्पताल खोटाङ दिक्तेलमा पनि १/१ वटा एम्बुलेन्स चालु अबस्थामा रहेको जिल्ला स्वाथ्य कार्यलय खोटाङले जनाएको छ ।
