इंग्ल्यान्डका युवा विंगर जेडन सान्चोले फिफा विश्वकप कतार २०२२ अन्तरगतको युरोपेली छनोटको दुई खेल गुमाउने भएका छन् । चोटको कारण सान्चोले एन्डोरा र पोल्याण्डविरुद्धको खेल गुमाउने भएका हुन् ।
२१ वर्षीय सान्चोले प्रशिक्षणको दौरान चोट बोकेको बताईएको छ । सान्चोले चोट बोकेपछि उनलाई टोलीबाट फुकुवा गरिएको छ । म्यानचेस्टर युनाइटेडलाई उनको चोट सामान्य रहेको भन्दै इंग्ल्यान्ड एफएले आश्वास्त पारेको छ ।
यसै समरमा जर्मन क्लब बोरुसिया डर्टमुन्डबाट म्यानचेस्टर आएका सान्चोले ११ सेप्टेम्वरमा न्युक्यासलविरुद्धको खेल खेल्ने आँकलन गरिएको छ । सान्चोले म्यानचेस्टरबाट ३ खेल खेलिसकेका छन् । तर उनको प्रदर्शन अपेक्षा गरेअनुसार भने रहन सकेको छैन ।
इंग्ल्यान्ड फुटबल एसोसिएसनको विज्ञप्तिमा सान्चो एन्डोरा र पोल्यान्डविरुद्धको खेलमा सान्चोले नखेल्ने उल्लेख गरेको छ । उनले हंगेरीविरुद्ध ४–० को जित निकालेको खेल पनि खेलेका थिएनन् । विश्वकप छनोट अन्तर्गत इंग्ल्यान्डले आइतबार राति एन्डोरासँग खेल्दैछ । यस्तै बुधबार पोल्याण्डसँग खेल्नेछ । सान्चोले इंग्ल्यान्डबाट २२ खेलमा ३ गोल गरेका छन् ।
