by Dikendra
काभ्रेपलाञ्चोक — नेपाली कम्युनिस्ट पार्टी काभ्रे क्षेत्र नं. २ का उम्मेदवार बसुन्धरा हुमागाईको चुनावी अभियान आज पाँचखाल नगरपालिका–१० नम्बर वडा बेलाबाट सुरु भएको छ।
उम्मेदवार हुमागाईले घरदैलो कार्यक्रममार्फत मतदातासँग भेटघाट गर्दै तारा चिन्हमा मतदान गर्न आग्रह गरिरहनु भएको छ। निर्वाचन परिचालन कमिटीका अनुसार बिहीबार पाँचखाल नगरपालिका –७, १० र १२ नम्बर वडामा घरदैलो कार्यक्रम तय गरिएको छ।
अभियानमा केन्द्रीय कमिटी सदस्य टोक बहादुर वाइवा, लक्ष्मण लम्साल, रुकु चौलागाईं, तेज बहादुर मिजार लगायत प्रदेश तथा स्थानीय तहका नेता–कार्यकर्ताहरु सक्रिय सहभागिता जनाइरहेका छन्।
उम्मेदवार हुमागाईले आफू जनताको भावना र आवश्यकता अनुसार काम गर्ने प्रतिबद्धता व्यक्त गर्दै निर्वाचन जिते काभ्रे र काभ्रेली नागरिककै जित हुने बताउनु भएको छ।
