भक्तपुर। आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै दुई निर्वाचन क्षेत्र रहेकाे भक्तपुर कांग्रेसले निर्वाचन क्षेत्र नं. १ मा प्रत्येक्ष तर्फ अधिवक्ता किरण न्याैपाने साथै समानुपाति तर्फ डा. गंगा लक्ष्मी अवाल , बिनाेद प्रकाश कायष्ठ र मदन कृष्ण श्रेष्ठ सहितले ९ वडा रहेकाे चाँगानारायण नगरपालिकामा चुनाव प्रचार प्रसार सम्पर्क कार्यालय उद्घाटन सम्पन्न गरेकाे छ।
यस्तै १० वटा वडाहरु भक्तपुर नगरपालिकाकाे पनि केही वडामा मात्र सम्पर्क कार्यालयहरु उद्घाटन गर्न बाँकि रहेकाे र भाेलिबाट यी बाँकि रहेकाे वडाहरुमा लागिने चुनाव प्रचार बिभाग संयाेजक समुन्द्र थापाले बताएका छन्।
निर्वाचनलाई केन्द्रमा राख्दै भक्तपुर कांग्रेसका निर्देशन अनुसार क्षेत्र नं. १ अन्तर्गत पर्ने चाँगु नारायण नगर पालिकाकाे ९ वटा र भक्तपुर नगरपालिकाकाे १० गरि १९ वटै वडामा सम्पर्क कार्यालय सञ्चालन गर्ने कार्य सकिएपश्चात उमेदवारहरु सहितकाे उपस्थितिमा मदताहरुकाे घरदैलाेमा लाग्ने समेत थापाले जनाएका छन्।
दुई निर्वाचन क्षेत्र रहेकाे भक्तपुरमा २०३८ साल देखि यस १ नम्बर क्षेत्रमा नेपाल मजदुर किसान पार्टीको बर्चस्व रँदै आउदा अघिल्लाे प्रतिनिधि सभा निर्वाचनमा भक्तपुर कांग्रेसले याे क्षेत्रमा उमेदवार उठाउन पाएका थिएनन्।
नेतृत्व तहमा भएकाे परिवर्तन र याेग्य तथा कानुनविद् उमेदवारलाई पार्टिले टिकेट दिएकाे हुनाले याे पटक अधिवक्ता किरण न्याैपानेकाे विजय निश्चित रहेकाे बताउछन् बागमती प्रदेश सभाका पूर्व मन्त्री कृष्णलाल भँडेल।
उसाे त चाँगाुनारायण नगरपालिकाकाे मेयर समेत सम्हालि सकेका नेकपा एमालेका उमेदवार साेम मिश्रकाे पनि आफ्नै दावी छ। नेपाल मजदुर किसान पार्टिले याे निर्वाचन क्षेत्रलाई भन्दा पनि नगर क्षेत्रलाई मात्र केन्द्रित बिकासमा ध्यान दिएकाेले याेपटक सुवाललाई हराउने उनकाे एकल लक्ष रहेकाे छ।
प्रचण्डकाे नेत्तवमा रहेकाे दल नेपाली कम्युनिष्ट पार्टि, रास्वापा ,राप्रपा लगायतका दलहरु समेत नेमकिपाकाे भाेट काटेर सुवाल हराउने अभियायनमा चुनावी मैदानमा छन्।
यद्धपि नेपाली कांग्रेस भक्तपुर १ ले भने निर्वाचन आयाेगकाे नियम बमोजिम फागुन ४ बाटमात्रै घरदैलो अभियायन वडा स्तरबाट सुरु गर्ने जनाएकाे छ।
