थाहानगरपालिका–४, किटेनी निवासी युवा तथा सफल व्यवसायी श्री राजिव केसी खत्री राष्ट्रिय स्वतन्त्र पार्टी (रास्वपा) मा औपचारिक रूपमा प्रवेश गर्नुभएको छ।
समाजमा केही गरौं, परिवर्तन ल्याऔं भन्ने दृढ सोच र युवाहरूको सक्रिय भूमिकामा विश्वास राख्दै उहाँले नयाँ राजनीतिक यात्राको सुरुवात गर्नुभएको हो। व्यवसायिक क्षेत्रबाट प्राप्त अनुभव, नेतृत्व क्षमता र समाजप्रतिको जिम्मेवारी भावनासहित उहाँको यो कदमलाई स्थानीयवासीले सकारात्मक रूपमा लिएका छन्।
उहाँको प्रवेशसँगै थाहानगर क्षेत्रमा युवाको सहभागिता, नयाँ सोच र विकासप्रतिको आशा अझ बलियो बनेको विश्वास गरिएको छ। देश र समाजलाई सही दिशा दिन सक्षम, इमानदार र कर्मशील युवाहरू राजनीतिमा आउनु समयको आवश्यकता रहेको सन्देश पनि यसले दिएको छ। परिवर्तनको अभियानमा युवा शक्ति, सकारात्मक सोच र सहकार्यको भावना नै अबको आवश्यकता हो।
