भोजपुर । नेकपा (एमाले) पौवादुङमा गाउँपालिका भोजपुरका पालिका कमिटी सचिव तुलसी कार्की (कुशल) ले पार्टी परित्याग गरेका छन् । बिहीबार उनले सामाजिक सञ्जाल फेसबुकबाट सो घोषणा गरेका हुन् । कार्की २०७९ को निर्वाचनमा पौवादुङमा गाउँपालिकाको वडा–३ बाट नेकपा (एमाले) वडाध्यक्षको उम्मेदवार थिए ।
उनले आफू राजनीतिक व्यक्ति भएको कारण सबैसँग छलफल गरेपछि मात्रै कुन पार्टीमा जाने भन्ने निष्कर्षमा पुग्ने बताए । ‘कोही साथी नेपाली कम्युनिस्टको पक्षमा, कोही रास्वपा भनिरहेको हुनाले अहिले निष्कर्षमा पुगिएको छैन,’ उनले भने ।
