कृष्ण कुँवर। (बुधबार) राति ८:४५ बजे नेपाली समय अनुसार नेपालले ओमानसँग अल अमेरात क्रिकेट मैदान, ओमानमा सुपर सिक्स चरणको अन्तिम र निर्णायक खेल खेल्दैछ।
नेपाल यस समय ICC पुरुष टी–२० विश्वकप एसिया तथा ईस्ट एसिया–प्यासिफिक छनोटमा उत्कृष्ट लयमा छ। सुपर सिक्स चरणमा नेपालले आइतबार युएईलाई १ रनले र सोमबार कतारलाई ५ रनले पराजित गर्दै लगातार दोस्रो जित दर्ता गरिसकेको छ।
बुधबारको खेल नेपालको लागि अन्तिम खेल सरह रहेको छ। यदि नेपालले ओमानलाई पराजित गर्न सफल भयो भने, नेपाली टोली २०२६ फेब्रुअरी ७ देखि मार्च ८ सम्म भारत र श्रीलङ्कामा आयोजना हुने टी–२० विश्वकपमा लगातार दोस्रो पटक सहभागी हुने निश्चित हुनेछ।
सुपर सिक्समा दुवै टिम अपराजित रहेका छन्, त्यसैले बुधबारको खेलले विश्वकपको टिकट निर्धारण गर्नेछ। नेपाली खेलाडीहरू उच्च आत्मविश्वासमा छन् भने समर्थकहरू नेपालको ऐतिहासिक जितको आशामा छन्।
