व्यवस्था बदल्न गरिए वलिदान त्याग धेरै
जेलनेल पनि सहे जनताले जिउधन देरै
अति कष्ट सहेर मुलुकमा लोकतन्त्र ल्याए
तर नेता भनौंदाले शुन्दर देश लुटी खाए।
पाउने र खाने अधिकार मात्र उनैको
हक लाग्छ हाम्रो किन हो भनेको?
योगदान कसरी उनैको,फल पनि उनैको
तिरेकैर्छौँ कर हामीले हल्ला किन गरेको?
बालुवाटार,ललिता उनैलाई हो दिएको
यतिएयर,ओम्नी किन हो नाम लिएको?
भुटानी शरणार्थी चर्चै चर्चामा उराल्छन
गिरीबन्घु काण्ड भनी खेदो किन खन्छन्?
एयरपोर्ट उनैकोकब्जामा भ्रष्ट किन भनेको
ल्याउदा सून भन्सारमा खै चेकजाँच गरेको?
टेरामक्स, पतञ्जलीको पनि नामै ठुलो छ
यस्ता यस्ता भाईरस कोरोना देशै भरि छ।
सहकारी लगभग सकियो ओढेर बर्को
घण्टी बजाउँदै बजाउँदै छुटाउने लर्को
फस्टाए नेपालमा पार्टी नाफा छ त्यसमा
पेट पाल्नलाई किन मजदुर बस्दैन देशमा ।
चलाउनलाई यो देश रेमिट्यान्स आउँछ रे
उठेको राजस्वमा धमिराको माऊ पो छ रे
राज्यको सम्पत्ति दोहन गर्न लाई ताक्ने
कर्तुत जनतालाई डोकोले छोपेझैं ढाक्ने।
सर्जक :- रिपुमर्दन खड्का
बेलबारी न.पा.-११, लक्ष्मीमार्ग, मोरङ
