अप्ठ्यारो बाटो त मोडेकै राम्रो
अमिलो सम्बन्धलाई तोडेकै राम्रो
जहाँ र जोसँग खुसी हुन सकिदैन
त्यो ठाउँ र त्यो व्यक्ति छोडेकै राम्रो ।।
खोई के सँग घोल्यौ के सँग घोल्यौ मलाई
जतन नगरिकन भुइँमा छिरोलेउ मलाई
मैले बोलेर पिराएछु तिमीलाई हैन ?
तिमीले नबोली नबोली पिरोलेउ मलाई ।।
राजकाज चलाउन नसक्नेले दरबार पस्नुको के अर्थ
औजस नमिल्ने जिम्मेवारीको दलदलमा फस्नुको के अर्थ
तिमी म सँग र म तिमी सँग खुसी छैनौं भने
अब भन हामी एउटै छतमुनि बस्नुको के अर्थ ।।
मैले ठूला कुरा पनि गर्न पर्दैन
पाकेको फल कुइनलाई झर्न पर्दैन
कुरा नमिल्ने सँग सँगै हुनुपर्यो भने
नर्क के हो जान्नलाई मर्न पर्दैन।।
✒️ श्रीराम रानाभाट
दुबई ।
