आज (बुधबार) रिपोर्टर्स क्लब नेपालले आयोजना गरेको साक्षात्कारमा बोल्दै उनले यस्तो बताएका हुन् । उनले भने,‘अहिले देशको बारेमा बहस गर्दा ग्रे–लिष्टबाट कसरी हटाउने भन्ने विषयमा जानुपर्दथ्यो । युवालाई विदेश जानबाट कसरी रोक्ने भन्नेमा जानुपर्दथ्यो । सबैको चिन्ता भनेको लोकतन्त्रलाई कसरी बलियो बनाउने र बचाउने भन्ने हो । आज अन्तर्राष्ट्रिय दातृ निकायले हात उठाउने स्थिति छ । देश ग्रे–लिष्टमा गयो । त्यो चिन्ता उहाहरुलाई छैन। उपसभामुखलाई कसरी हटाउने भन्ने दम्भ छ । उहाँहरुलाई कसले च्यालेञ्ज दिन सक्छ ? किन साना दलसँग किन डराएका छन् ?’
क्लबका सभापति ऋषि धमलाको सभापतित्वमा आयोजित साक्षात्कारमा बोल्दै उनले सन् २०२३ मा इन्दिरा रानामाथि अमेरिकाको लाग भिसाको लागि सिफारिश गरेको भन्ने आरोप लागेको भएपनि त्यो विषय त्यत्तिकै सेलाएको र अहिले संवैधानिक परिषद्मा बहुमत पुर्याउनको लागि कांग्रेस र एमालेले यस्तो कदम चालेको आरोप लगाए ।
उनले भने,‘कांग्रेसलाई संवैधानिक परिषद्मा आफ्नो उपस्थिति चाहिएको छ । यही मौकामा तीर हानिहालौं र साईजमा ल्याईहालौं भनेर हस्ताक्षर अभियान चलेको छ । उहाँ उपसभामुख जनजाति, महिला, अन्तर्राष्ट्रिय क्षेत्रमा महत्वपूर्ण योगदान गरेको व्यक्ति हो, सम्मानित अधिकारकर्मी हो । उहाँ राष्ट्रको गहना हो । उहाँले सन् २०२३ देखि सन् २०२५ सम्म थप के घात गर्नुभयो ? संसदीय आचरणको विरुद्धमा के गर्नुभयो ? कोशीको सामाजिक विकासमन्त्रीको विषयमा मानव तस्करीको कुरा उठेको थियो, उहाँ त प्रधानमन्त्रीको मान्छे । महान्यायधिवक्ताको कार्यालयले मुद्दा नचल्ने बनाईदियो ।’
हिले अदाललते थुना गर र पक्राउ गर भन्दापनि अहिलेसम्म आदेश पालन नभएको भन्दै उनले आपत्ति जनाए । उनले भने,‘यो मुलुक प्रधानमन्त्रीको मात्रै हो र ? लोकतन्त्र मास्न कसैले यस्तो हर्कत गर्छ भने, लोकतन्त्रको नामबाट गठन भएका दलहरु, ती सरकारले गरेको ज्यादती जनताले सहलान् ? युवाले सहलान त ? सरकारको नेतृत्व सच्चिनुपर्छ । सार्वजनिक खरिद ऐन ल्याउनुपर्ने हो नि । त्यहाँ कसैको ध्यान दिँदैन् । शिक्षा विद्येयक असार १५ गतेभित्र ल्याउने सरकारको कमिटमेन्ट थियो, अहिले सरकारले नै ढिलासुस्ती गरेको छ । संघीय निजामती सेवासम्बन्धी कुलिङ अफ पिरियड, त्यो कसले गरेको रहेछ भन्ने प्रमाणित भयो । प्रधानमन्त्रीको दलका राष्ट्रियसभाका सदस्यहरुले संशोधन हालेका छन् । दुनियाँलाई चुतिया बनाउने ? मान्छे कोही अज्ञानी छैनन् ।’
उनले उपभाुमख रानालाई हटाउने सिग्नेचर क्याम्पेनको सनसनी आएको भन्दै कांग्रेस र एमालेको भोट एक लाखको दरले घटिरहेको टिप्पणी गरे । उनले भने,‘संवैधानिक निकायमा केही मान्छे भर्ती केन्द्र बनाउने, आफ्नै ढंगले चलाउने अनि अदालतमाथि दबाब दिने, प्रभावमा पार्ने हर्कत भएका छन् । यो देशको लागि चिन्ताको विषय हो । उपभामुखलाई जुन ढंगले हटाउन खोजिँदैछ, यो नितान्त गलत हो । सम्मानित व्यक्तित्व, अन्तर्राष्ट्रिय क्षेत्रले पहिचान गरेको व्यक्तित्वमाथि प्रहार हो । ससंद्को अपमान हो । महिलाहरुको अपमान हो । प्रतिवाद गर्नेछौं ।’
