काठमाडौ । निर्वाचन आयोगले आगामी कात्तिक १७ गते रुपन्देही क्षेत्र नं ३ मा हुने उपनिर्वाचनका लागि २६ राजनीतिक दल दर्ता गरेको छ ।
दल दर्ताका लागि आएका २७ राजनीतिक दलमध्ये कानुनी रित पूरा भएका २६ दललाई आयोगको सोमबार (२ भदौ)को निर्णयअनुसार दर्ता गरिएको जनाइएको छ । आयोगका सहसचिव एवं प्रवक्ता नीता पोखरेल अर्यालका अनुसार नेपालको संविधानको धारा २७१ र राजनीतिक दलसम्बन्धी ऐन, २०७३ को दफा ४८ बमोजिम उपनिर्वाचनका लागि दल दर्ता गरिएको हो ।
आयोगले सबैभन्दा पहिले मङ्गोल नेशनल अर्गनाइजेशन दर्ता हुन आएको जनाएको छ । यस्तै, राष्ट्रिय प्रजातन्त्र पार्टी, नेपालका लागि नेपाली पार्टी, जनमत पार्टी, राष्ट्रिय मुक्ति आन्दोलन नेपाल, जनता समाजवादी पार्टी, नेपाली कांग्रेस, राष्ट्रिय जनमोर्चा, नेपाल कम्युनिष्ट पार्टी (माओवादी केन्द्र), जनप्रजातान्त्रिक पार्टी नेपाल, नेपाल कम्युनिष्ट पार्टी (एकीकृत मार्क्सवादी लेनिनवादी) दर्ता भएका छन् ।
साथै नेपाल कम्युनिष्ट पार्टी मार्क्सवादी (पुष्पलाल), नेपाल कम्युनिस्ट पार्टि (एकीकृत समाजवादी), नेपाल समाजवादी पार्टी (नयाँ शक्ति), नेकपा (माले), राष्ट्रिय प्रजातन्त्र पार्टी नेपाल, नेशनल रिपब्लिक नेपाल, राष्ट्रिय मातृभूमि पार्टी, नेपाली जनता दल दर्ता भएको छ ।
त्यस्तै, राष्ट्रिय यथार्थवादी पार्टी, नेपाल, राष्ट्रिय स्वतन्त्र पार्टी, नेपाल जनमुक्ति पार्टी, हाम्रो नेपाली पार्टी, बहुजन शक्ति पार्टी, खम्बुवान राष्ट्रिय मोर्चा, नेपाल उपनिर्वाचनका लागि दर्ता भएको आयोगले जनाएको छ । आयोगले उपनिर्वाचनको कार्यतालिका सार्वजनिक गर्दै आगामी असोज २१ गते उम्मेदवार मनोनयन दर्ताको दिन तय गरेको छ ।
यसकाे अलावा पार्टी अध्यक्षले निर्चवान आयाेगबाट दल दर्ताकाे प्रमाणपत्र लिन लाखौं घुस आयाेगमा खुवाएरकाे अडियाे सामाजिक सञ्जालमा छ्यापछ्याप्ति भएकाे संयुक्त नागरिक पार्टीले समेत निर्वाचनमा भाग लिन दर्ता गरेका छन्।
किस्चियन धर्ममा आबद्द रहेका पदरिहरुकाे नेतृत्वमा खुलेकाे उक्त पार्टीको दल दर्ता प्रमाण पत्र लिँदै पहिलाे अध्यक्ष दलमर्दन कामिले आयाेगमा घुस खुवाएकाे स्विकार गरेपछि अर्का अध्यक्ष भरत गिरि साे पार्टीबाट बाहिरिएकाे बुझिएकाे छ।
यस सम्बन्धि अडियाेकाे अंश याे लिङ्कमा छ: https://www.facebook.com/share/v/1AAg1yUyNz/
