काठमाडौँ । नेपाल समाजवादी पार्टी (नेसपा)का अध्यक्ष महिन्द्र राय यादवले समाजवादी मोर्चा विघटन वा एकीकरणमध्ये एक रोज्नुपर्ने बताएका छन् । विगतमा समान विचार हुने दलहरूबिच मोर्चाबन्दी हुन आवश्यक भए पनि पछिल्लो समय औचित्य पुष्टि हुन नसकेको स्पष्ट पारे ।
‘समाजवादी मोर्चाको औचित्य मैले देखेको छैन । विगतमा मोर्चाले समाजवादी जागरण अभियान चलाउन मद्दतै गरेको देखिन्छ । अब कि त मोर्चा आबद्ध दलहरूबिच एकता गरौँ कि त विघटन गरेर आ–आफ्नै तयारीमा लागौँ । विस्तारै चुनावको बेला आइरहेको छ । दलहरूले एक्ला एक्लै तयारी गर्न त पाउँछन्’, उनले भने ।
माओवादीले चाँडै महाधिवेशन घोषणा गरेर चुनावको तयारीमा लाग्नै हो भने राम्रै मत ल्याउन सक्ने उनले बताए । गत वर्ष साउन १ गतेदेखि नेसपा मोर्चामा आबद्ध भएको थियो ।











