१
आमाको माया र आशिष पाई संसार छुन्छन्।
जगत र सन्तानमा अपार ममता बुन्छन्।
२.
आमा संसारकै धनी मूल्यवान् वरदान
दयाको सागर आमा गरौं मान सम्मान।
३.
उमङ्गहरू उर्लेर आएँ मायाको सौगातमा
गर्जन्छ बादल साउने झरी चुमेको पातमा।
४.
हरियो माला रङ्गमा मेहन्दी श्रावण रमाएको
कलाईमा चुरा संसार समाइ लौ गीत गाएको।
५.
बालापन फर्किएन कहिले हुर्के सम्झेर छक्क पर्छु
रहरहरु बीचमा आफ्नै घर आँगन सम्झिने गर्छु।
६.
ओठको मुस्कानले आँसु पगाल्ने
सरल जीवनमा खुसी सङ्गाल्ने।
७.
प्रकृतिलाई हेरेर शान्त छ मन
भेदभाव छैन खुसी कुद्रत जन।
८.
बारुदले हुन्छन् संसार नाश
युद्ध अहङ्कार हो हुन्छ लास।
९.
वन जङ्गल नमासौँ नदीको मुहान हामी जोगाउ
पानी अमूल्य धन हो प्रदूषण विरुद्ध अघि आउ ।
१०.
जगत् निमार्ण र निरन्तरताको निम्ति पानी जीवनको सार
जोगाउ प्रकृतिलाई गरौँ सबैले सौर मण्डलको उद्धार।
११.
सेवा र सहयोग गर्नु नै मानव जीवनको सार
निस्वार्थ भावना सकारात्मक श्रद्धामा राख विचार ।
१२.
सहयोगको भावनाले अहंकार हटाइ भलाइ ल्याउछ
विश्वास र सद्भावले समाजको विकासमा सुधार आउँछ।
१३.
जाेड्नु पर्छ मित्रता मिठाे बाेलेर
कुरा साट्ने आपसी मन खाेलेर।
✍️ सर्जक :- हन्नाह छेत्री
ठेगाना :- दार्जिलिङ।
