सुमन बिश्ववकर्मा , मलेसिया। गैर-आवासीय नेपाली संघ ncc मलेसिया को गत जुलाई २७ तारिखको अधिवेशन बाट २०२५-२०२७ कार्यकालको लागि अध्यक्षमा राकेश प्रसाद महतो निर्विरोध निर्वाचित भएका छन्।
२०२३ मा भएको आठौं अधिवेशन बाट २०२३-२०२५ को कार्यकालको लागि अध्यक्षमा दुई जनाले उम्मेदवारी दिएका थिए पुर्व अध्यक्ष बिनोद थापा र राकेश प्रसाद महतो ले अध्यक्षका लागि उम्मेदवारी दिएका थिए थापा र महतो ले आफ्नो उम्मेदवारी फिर्ता नलिएपछी दुई वर्षको कार्यालय आधा आधा गर्ने सहमति भएको थियो।
सहमति अनुसार पहिलो कार्यकाल १ वर्ष अध्यक्ष बिनोद थापा र दोस्रो कार्यकाल राकेश प्रसाद महतो ले जिम्मेवारी लिने सहमति भएको थियो थापा को अध्यक्ष कार्यकाल भरि महतो प्रथम उपाध्यक्ष र थापा को एक वर्षे कार्यकाल पछि महतो ले अध्यक्षता गर्ने र थापा सल्लाहकारमा बस्ने सहमति भएको थियो।
तर उक्त कार्यकाल थापा र महतो को लागि असहज बन्यो थापा पक्षले सहमति विपरीत कार्य गरेकोले महतो लाई कार्य काम गर्न असहज भएको र धेरै गर्नुपर्ने काम हरु अधुरो रहेको बताउछन्।
गएको आधा कार्यकाल विवादै विवादमा बिताएका महतोले यो २०२५-२०२७ कार्यकाल भित्र गर्नुपर्ने मुख्य दस काम यस्ता छन् १, नेपाल र नेपालीको हितका लागी नेपाली राजदुतावास मलेसिया सँग सधै समन्वय र सहकार्य गर्दै साझा मञ्च निर्माण गर्ने।
२,समुदाय सँग समन्वय
मलेसियामा रहेका संघसंस्था व्यवसायी, विद्यार्थी, पत्रकारहरु सँग सुमधुर सम्बन्ध राख्दै सहकार्यको वातावरण बनाउने।
३,आपतकालीन आश्रय व्यवस्थापन
विपत वा समस्यामा परेका श्रमिक हरुले आश्रय लिने कार्यलाई कानुनी र व्यवस्थित बनाउने कार्ययोजना अघि बढाउने।
४, आपतकालीन राहत कोष स्थापना
असहाय श्रमिक सहयोगका लागि मासिक रिंगेट २००० को प्रारम्भिक लगानी सहित आपतकालीन राहत कोष स्थापना गर्ने।
५,युवा पुस्ता समावेश
नयाँ सोच र दृस्ठिकोण सहित आएका युवाहरूलाई संघमा नेतृत्वदायी भुमिका दिन प्रेरित गर्ने।
युवा पुस्ता लाई केन्द्रमा राख्दैं भविस्य निर्माणमा योगदान पुर्याउने।
६, श्रमिक हक र समन्वय
नेपाल सरकार, राजदुतावास अन्तरास्ट्रिय र राष्ट्रिय समिति तथा विभिन्न संघसंस्था हरु सँग समन्वय गर्दै श्रमिक को अधिकार र श्रमिक को समस्या समाधानमा प्रत्यक्ष कृयाशिल हुने।
७, क्षेत्रीय पहुँच
राजदुतावासको पहुँच नपुगेका पीडित श्रमिकहरु सम्म क्षेत्रीय समिति मार्फत प्रत्यक्ष सेवा पुर्याउने व्यवस्था गर्ने।
८, क्षेत्रीय समिति गठन
श्रमिकको बाहुल्यता भएको सबै क्षेत्रमा सक्रिय क्षेत्रीय समिति गठन गरि समस्या समाधान र समन्वयलाई सहज बनाउने।
९, पारदर्शीता र जवाफदेहीता
संस्थालाई पारदर्शी बनाउन आय- व्यय अन्लाईन मार्फत हेर्न मिल्ने डिजिटल प्लेटफर्म स्थापना गर्ने।
१०, श्रमिक मनोपरामर्श र स्वास्थ कार्यक्रम
सचेतना अभियान र स्वास्थ मनोपरामर्श कार्यक्रम सञ्चालन गर्दै श्रमिकको भौतिक मानसिक र भावनात्मक स्वास्थ्यमा ध्यान दिने।
अध्यक्ष राकेश प्रसाद महतो ले आफ्नो कार्यकालमा उल्लेख गरिएका यी काम हरु प्राथमिकताका साथ गर्ने प्रतिबद्धता गरेका छन्।
