काठमाडौं । दमक५ निवासी पत्रकार अविन मेयाङ्गवोले अख्तियरमा भ्यु टावरको सार्बजनिक जग्गा हिनामिना बिषयमा उजुरी हालेका छन। यधपी इमेल मार्फत उजुरी पठाएका हुनाले साे उजुरी आईतबार मात्र दर्ता नम्मर आउने उजुरीकर्ता अविनले बताएका छन्।
उनले आफ्नो उजुरीमा आफ्नो मागहरु निम्न बुदामा राखेका छ्न्न:
१. सो जग्गा सम्झौतासम्बन्धी सबै कागजात र प्रक्रिया तत्काल छानबिन गरियोस।
२. नगरपालिकाका तत्कालीन र हालका सम्बन्धित पदाधिकारीहरूद्वारा लापरवाही वा मिलेमतो भए/नभएको स्पष्ट गरियोस्।
३. सार्वजनिक हित विपरीत कार्य गर्ने कम्पनी र कर्मचारीहरू उपर कानूनी कारबाहीको प्रक्रिया अगाडि बढाइयोस्।
उनको उजुरी पुर्ण पाठ:-
श्रीमान् आयुक्त/प्रमुख ज्यु,
अख्तियार दुरुपयोग अनुसन्धान आयोग
टंगाल, काठमाडौं।
विषय: दमक–३ मा निर्माणाधीन भ्यु टावरका लागि दिइएको सार्वजनिक जग्गा हिनामिना सम्बन्धी छानबिनको माग।
म, अबिन मेयाङ्ग्वो, स्थायी ठेगाना: दमक नगरपालिका–५, झापा, नेपालको एक जागरुक नागरिकको हैसियतले निम्न विषयमा तपाईंको ध्यानाकर्षण गराउन चाहन्छु।
दमक–३ मा निर्माणाधीन १८ तले भ्यु टावरको लागि बि.स. २०७३ सालतिर “माँ पञ्चकन्या हाउजिङ प्रा.लि.” लाई सार्वजनिक प्रयोजनको नाममा करिब चार विघा १८ कट्ठा ७ धुर जग्गा दमक नगरपालिकाबाट उपलब्ध गराइएको थियो। सो परियोजनाबाट स्थानीय विकास र पर्यटन प्रवर्द्धनको अपेक्षा गरिएको थियो।
तर हाल (२०८१ असार १९, २०२५ जुलाई ४ मा प्रकाशित नयाँ पत्रिका दैनिक अनुसार), सोही हाउजिङ कम्पनीले आफूलाई “सापटी” स्वरूप दिइएको दुई विघा जग्गा फिर्ता गर्न माग गरेको छ भने बाँकी २५ कट्ठा जग्गा वापतको मौद्रिक क्षतिपूर्तिको माग गर्दै धम्कीपूर्ण शैलीमा पुनः स्वामित्व दाबी गरिरहेको छ।
निम्नलिखित बुँदाहरूमा गम्भीर अनियमितता देखिएको छः
१.सो जग्गा कुनै प्रस्ताव, सम्झौता, खुला प्रक्रिया वा स्वीकृत सार्वजनिक मापदण्ड बिना निजी कम्पनीलाई दिइएको देखिन्छ।
२. हाल सो कम्पनीले बजार मूल्य (प्रति कट्ठा ५० लाख भन्दा बढी) मा प्लटिङ र व्यापारको प्रयास गर्दै नगरपालिकामाथि दबाब सिर्जना गरिरहेको छ।
३. नगरपालिका र कम्पनी बीचको पूर्व सम्झौता नै भेटिएको छैन, तर कम्पनीको दाबी अनुसार २०७५ मा मौद्रिक मूल्य फिर्ता गर्ने सहमति भएको थियो।
यसरी सार्वजनिक सम्पत्तिको व्यक्तिगत लाभका लागि प्रयोग र हिनामिना गर्नु भ्रष्टाचार निवारण ऐन २०५९ अन्तर्गत सजाय योग्य विषय हो।
माग:
१. सो जग्गा सम्झौतासम्बन्धी सबै कागजात र प्रक्रिया तत्काल छानबिन गरियोस।
२. नगरपालिकाका तत्कालीन र हालका सम्बन्धित पदाधिकारीहरूद्वारा लापरवाही वा मिलेमतो भए/नभएको स्पष्ट गरियोस्।
३. सार्वजनिक हित विपरीत कार्य गर्ने कम्पनी र कर्मचारीहरू उपर कानूनी कारबाहीको प्रक्रिया अगाडि बढाइयोस्।
निवेदक:
अबिन मेयाङ्ग्वो
(स्थानीय नागरिक एवं संचारकर्मी)
दमक–५, झापा
फोन: [९८१५०००५६१]
ईमेल: [[email protected]]
मिति: २०८२ असार २०
