मोरङ । मोरङको बेलबारी नगरपालिकाले आर्थिक वर्ष २०८२/८३ को बजेट असार १० गते मंगलबार सार्वजनिक गरे पनि बजेटमाथि छलफल र स्वीकृति प्रक्रिया अगाडि बढ्न नपाउँदै आन्तरिक विवाद सतहमा आएको छ ।
बेलबारी नगरपालिकाकी उपप्रमुख नितु थापा (कोइराला) ले नगरपालिकाले विभिन्न शीर्षकमा विनियोजन गरेको बजेट हेर्न पाउनुपर्ने माग गर्दै तत्कालीन निमित्त प्रमुख प्रशासकीय अधिकृत तथा लेखा प्रमुख धनमाया राईलाई केही शीर्षक र कर्मचारीहरूले पाउँदै आएका विभिन्न भत्तासम्बन्धी विवरण माग गरेकी थिइन् ।
तर लेखा प्रमुख राईले त्यस्तो विवरण गोप्य भएको भन्दै उपप्रमुखलाई सो हिसाब देखाउन नमिल्ने जवाफ फर्काइन् । केही खर्च शीर्षकमाथि अस्वाभाविकता तथा अनियमितता देखिएपछि आफूले खर्च विवरण माग गरेको उपप्रमुखले बताइन् ।
