बाँस सम्मेलन र चित्रकला लगाएतका कार्यक्रमहरु गरेर नगरकाे फजुल खर्च गर्न माहिर दिक्तेल रुपाकाेट मझसवागढी नगरपालिकाले साे यलम्बरकाे प्रतिमा निर्माणमा लागत खर्चकाे ३०% रमक नदिँदा समस्या भएकाे दिखिन्छ।
कोशी प्रदेश सरकारको ७० र दिक्तेल रुपाकोट मझुवागी नगरपालिकाले ३० प्रतिशत लगानी गरी करिब रु १४ करोड लागतमा फाइबर प्रयोग गरेर निर्माणको काम पूरा गर्ने सम्झौता अनुसार यलम्बरको शालिकसहितको पार्क ठेकेदार कम्पनी उमा–तुवाचुङ–अनसुवी जेभीले निर्माण सम्पन्न गरिसेको भएपनि भुक्तानी हुन नसक्दा उद्घाटन अन्यौलमा परेको जानकारी प्राप्त भएको छ ।
यलम्बर पार्क निर्माणको काम सम्पन्न भएको महिना दिन बितिसक्दा पनि नगरपालिकाले आफूहरुले पाउने रकम करिब रु तीन करोड रकम भुक्तानी दिएर जिम्मा नलिएको ठेकेदार कम्पनीका प्रतिनिधि एवम् तुवाचुङ कन्ट्रक्शन प्रा.लि.का प्रबन्धक सुनिल राईले जानकारी दिनुभएको छ ।
सम्झौता अनुसारको काम वैशाख–१० गतेभित्रै सम्पन्न गरेर हस्तान्तरण गर्ने तयारी गरेको, कोशी प्रदेश सरकारका मुख्यमन्त्री हिक्मतकुमार कार्कीको प्रमुख आतिथ्यतामा २०८२ जेठ– १७ गते औपचारिक उद्घाटन गर्ने तयारी गरेको भएपनि नगरपालिकाले भुक्तानी नगर्दा उद्घाटन गर्ने तयारी गरिएको औपचारिक कार्यक्रम नै रोक्न बाध्य भएको निर्माण कम्पनीका प्रबन्धक राईको भनाई रहेको छ ।
पार्कको आम्दानीमध्ये ६० प्रतिशत नगरपालिका र ४० प्रतिशत प्रदेश सरकारमा जम्मा हुने सम्झौतामा उल्लेख छ ।
कोशी प्रदेश सरकारको दायित्व अन्तरगतको बजेट प्रदेश सरकारले रु तीन करोड ९० लाख बजेट उपलब्ध नगराएकोले निर्माणको जिम्मा लिने ठेकेदार कम्पनीलाई भुक्तानी दिन नसकिएको दिक्तेल रुपाकोट मझुवागढी नगरपालिकाले जनाएको छ ।
यलम्बर पार्कदेखि किराती सभ्यताको उद्गमथलो मानिने हलेसी तुवाचुङ नगरपालिका–७ महादेवस्थान र सोही नगरपालिकाको वडा नं. १० अर्खौलेको सिमानामा पर्ने तुवाचुङ–जायजुमसम्म पदमार्ग निर्माण गर्ने योजनासमेत बनाइएको छ । नेपाल सरकारले निर्धारण गरेको १०० वटा पर्यटकीय गन्तव्यमा पर्ने ‘मुन्दुम ट्रेल’ पदमार्ग पनि सोही क्षेत्रमा पर्ने भएकाले यलम्बर पार्कलाई निक्कै महत्वका साथ हेरिएको छ ।
