कुकुर तिहारमा सडकका कुकुरलाई पूजा गर्ने अनि बाँकी दिन दुर्व्यवहार गरेजस्तै लाग्छ मलाई त ! मैले नारीहरूलाई कुकुरसँग तुलना गर्न खोजेको होइन तर समाजले धेरै पटक कुकुरलाईभन्दा नराम्रो र गलत व्यवहार गरेको देखिन्छ।
समाजमा आफनो छवी असल राख्नको लागि एकदिन महिला दिवस मनाउदैमा महिलामाथि गरिएको अत्याचारको पाप मेटिदैन !
यो कुनै feminism को नारा लगाको होइन, यो महिलालाई मान्छे जसरी व्यवहार गर्नु जस्तो आधारभुत कुरालाई प्रकाशमा लिएर आउने प्रयास हो।
” वर्षको ३६४ दिन महिलामाथि बलात्कार, हिंसा र आक्रमणले भरिएको हुन्छ अनि आजको एकदिन अन्तर्राष्ट्रिय नारी दिवस मनाउनुको औचित्य के त ? “
मैले केही दिन अगाडि Instagram मा एउटा reel देखेको थिएँ, जसमा श्रीमानले आफ्नी श्रीमतीलाई कुटेर सुन्निएको मुख देखाउँदै flex गरिरहेको थियो, आफुले कुटेपनी उसको वास्ता गरी औषधी पनि लिएर आएको छु भन्दै थियो। के यो श्रीमती कुटेपनी माया गर्छु भनेर देखाउने तरिका हो ?
अहिले सामाजिक सञ्जाल खोल्ने हो भने यस्ता घटनाहरू धेरै भेटिन्छन्। कति घटना हाम्रो कानसम्म पुग्छन्, अनि कति गुपचुपमै बिलाउँछन्।
“मलाई रिस उठेको थियो..!”
“मैले control गर्न सकिन…!”
“मैले रिसमा आँखा नै देखिन… !”
यस्ता बहानाले तपाईँको त्यो हिंसालाई जायज बनाउँदैन।
यो समस्या शिक्षाको कमीको कारण हो जस्तो मलाई लाग्दैन, किनकि पढेलेखेका,विद्वानहरुले आफ्नी श्रीमती, जीवनसाथी वा महिलालाई नराम्रो व्यवहार गर्छन्, जब कि समाजमा नारीको सुरक्षा, सम्मान र समानताको नारा लगाउँछन्।
अनि यो सबै बलात्कार, हिंसा, हत्या को कुरा मात्र होइन। यो कुरा हो महिलालाई सम्मान गर्ने, कदर गर्ने र सही व्यवहार गर्ने। एक दिनको लागि मात्र होइन, तर हरेक दिनको लागि।
यो अन्तर्राष्ट्रिय नारी दिवसमा म पुरुषहरूलाई शुभकामना दिन चाहन्छु। र यो शुभकामना तपाईँ हरेक पुरुषहरूका लागि एउटा reminder हो, महिलालाई सही व्यवहार गर्नको लागि, महिलालाई मान्छे जसरी व्यवहार गर्नको लागि।
अन्तराष्ट्रिय नारी दिवसको शुभकामना !♥️
