कहिँ घुम्न वा भ्रमण जाँदा हरेकको मनमा खुल्दुली
हुन्छ । त्यस्तै खुल्दुलीका साथ मैले बिहान सबेरै उठेर
आफ्नो नित्यकर्म गरेँ । भ्रमण जानका लागि आवश्यक
सामानहरू र खाजाहरू झोलामा राखेर साथीहरूसँग
विद्यालय तर्फ लागे । हाम्रो भ्रमण १० बजे शुरू हुन अघि
गुरूआमाहरूले कँहा जाने भनेर भन्नु भयो । सबै जना
बसमा रमाउँदै हुरहुरी चढ्न थाले र बस सुरू हुन साथ
चिच्यायाैँ।
सर्वप्रथम हामी सबैजना छाउनी संग्रहालय तर्फ
गाउँदै उफ्रिदै पुग्यौं । त्यहाँ २ वटा संग्रहालय थियो ।
वारी र पारी दुवै संग्रहालय अति ठुलो थियो । सुरुमा
वारीको सङ्ग्रहालय भित्र पस्यौं । त्यहाँ ठूलो सेनाहरूको
हवाइजहाज, ट्याक र गाडी थियो । त्यहाँ विभिन्न
सहिदहरूको फोटा र उहाँहरूको बारेमा थोरै जानकारी
लिई, उहाँहरूकै समयमा प्रयोग हुने’ हातहतियार र
सेना, पुलिसले लगाउने पहिरनहरू हेर्याैँ। त्यहा हामीले
इतिहासको बारेमा चित्रमार्फत बुझ्याैँ । जस्तै: पृथ्वी नारायण
शाहले कान्तिपुरमा गरेको युद्धको एक झलक ।
त्यसपछि सङ्ग्रहालय पारी तर्फ हामी लाग्यौँ । त्यहाँ छुट्टाछुट्टै भवनहरू थिए । त्यहाँ ऐतिहासिक जीवनशैलीको बारेमा केही झलक हेर्न पाएँ । जस्तैः ढुङ्गे युगको जीवन शैली, नेवारहरूको जीवनशैली आदिको डमीहरू त्यहाँ थिए । त्यहाँ विभिन्न देवी, देवता, राजाहरूको मूर्ति पनि थियो । साथ साथै पुरानो ढुङ्गाको मूर्तिको पनि झलक पाएँ । त्यहाँ बाघ, चितुवा, गैंडा,जस्ता जनावरको हड्डीहरू हेर्न र छुन पाएँ । त्यहाँ मैले कहिले नदेखेको सिक्काहरू पनि देखें जुन धेरै नै सानो थियो ।
ती दुवै सङ्ग्रहालय घुमे पनि र सबै चिजको बारेमा बुझें पनि । त्यस पछि हामी सबैजना स्वयम्भु चैत्य गयाैँ । त्यहाँ हामीहरूले पोखरीमा बुद्धको मूर्ति हेयाैँ र मन्दिर तर्फ लाग्यौं । त्यहाँ घुमेपछि हामी बसमा चढ्यौ । स्कुल पुगेपछि पनि सबैजना चिच्याए र घर गए ।
शिक्षा नै आँखाको नानी हो र शिक्षाका लागि धेरै
स्रोतहरू छन् । त्यसमा शैक्षिक भ्रमण पनि पर्दछ । भ्रमण
जाँदा साथीहरूसँग रमाइलो मनाउदै शिक्षा र ज्ञान प्राप्त
गर्नु अति राम्रो कुरा हो भन्ने मलाई लाग्दछ ।
