झापा । झापाको अर्जुनधारा नगरपालिका-६ स्थित लक्ष्मी माध्यमिक विद्यालयको खेल मैदानमा आयोजित जिल्लास्तरीय तेक्वान्दो प्रतियोगितामा दमक तेक्वान्दो डोजाङले दुई स्वर्णसहित विभिन्न तौल समूहमा आधा दर्जनभन्दा बढी पदक जितेर उत्कृष्ट प्रदर्शन गरे पदक, पुरुषतर्फ बीरेन्द्र राई ३९ केजी तौल समूहमा कास्य पदक, इक्सा मादेन महिलातर्फ पुम्से विधामा रजत पदक र रञ्जिता तामाङ महिलातर्फ पुम्से विधामा कास्य पदक जितेको हुन।
दमक तेक्वान्दो डोजाङका अध्यक्ष जितु धिमालका अनुसार, यो डोजाङका खेलाडीहरूले विगतदेखि नै जिल्ला, प्रदेश, तथा राष्ट्रिय स्तरका प्रतियोगिताहरूमा उत्कृष्ट प्रदर्शन गर्दै पदक जित्दै आएका छन्।
दमक डोजाङका प्रमुख सल्लाहकार तथा संयोजक गजेन्द्र देवानले विजेताहरुलाई शुभकामना दिदै भने “तपाईंहरूको सफलता मेहनत र लगनशीलताको उत्कृष्ट उदाहरण हो। यसले खेलकुद क्षेत्रमा नयाँ उचाइ थप्नेछ। आगामी दिनहरूमा अझ धेरै सफलता प्राप्त होस् भन्ने शुभकामना व्यक्त गर्दछु।”
विजेताहरुलाई दमक डोजाङका प्रमुख सल्लाहकार संयोजक तथा पुर्व खेलाडि गजेन्द्र देवानले बधाई तथा शुभकामना व्यक्त गरेका थिए।
लक्ष्मीपुर तेक्वान्दो डोजाङको आयोजनामा सम्पन्न यस प्रतियोगिताले जिल्लास्तरीय खेलाडीहरूको प्रतिभा उजागर गर्दै राष्ट्रिय स्तरका प्रतियोगिताका लागि तयारी गर्ने उद्देश्य राखेको थियो।
प्रतियोगितामा दमक डोजाङका खेलाडीहरूको प्रदर्शनले तेक्वान्दो खेलमा झापाको पहिचान अझै उच्च बनाउने अपेक्षा गरिएको छ।
