उदयपुर । उदयपुरको चौदण्डीगढी नगरपालिकामै अनेकौ काण्ड हुने गरेको छ । बेलाबेलामा सेवाग्राहीसँग लाखौ रुपैयाँ घुस माग्दै गरेको अडियो पनि सार्वजानिक हुनेगरको छ ।
पुनः यस्तै नक्कली रसिद बनाएर सेवाग्राहीसँग घुस लिएको प्रमाण गढीखबर दैनिकले फेला पारेको छ ।
६ नं. वडा कार्यालय सिर्वानी स्थित एक सेवाग्राहीलाई दाजुभाई अंश बण्डाको सिफारिस लिन पुगेका एक सेवाग्राहीलाई नक्कली रसिदमाथी तोकिएको भन्दा चौगुणा बढी रकम लिएको पर्दाफास भएको छ ।
सो विषय बाहिरिएपछि छानविन गर्नुको सट्टा सचिव नैनबहादुर खड्कालाई ७ नं. वडामा सरुवा गरिएको छ भने सामाजिक परिचालको रुपमा कार्यरत कर्मचारी दिक्षा ओझाले सोमबार राजीनामा दिएर गएको वडाध्यक्ष अमर खड्काले बताए ।
मिति २०८१ कार्तिक ८ गते दयाराम दाश कथबनीया चौदण्डीगढी नगरपालिका, उदयपुर वडा नं. ६बाट देहाय बमोजिम ४ हजार रुपैयाँ मात्र भनेर रसिदमा दुरुस्तै खुलाइएको छ ।
वडा कार्यालयको छापपनि छ । तर सरकारी गोलो छैन । रसिदमा वडासचिव नैनबहादुर खड्काको हस्ताक्षर छ । रकम ४ हजार रुपैयाँ तोकिएको छ । तर के प्रयोजनका लागि रसिद काटियो अन्य केही विवरण खुलाइएको छैन ।
सो विषयमा चौदण्डीगढी नगरपालिकाका प्रमुख प्रशासकीय अधिकृत जीतबहादुर श्रेष्ठले भने, ‘महिला कर्मचारीले आफ्नो व्यक्तिगत समस्या देखाएर राजीनामा दिएको छ । र सचिव नैनबहादुर खड्काको बारेमा लिखित उजुरी नआएपछि कारबाहीको कुरा आउँदैन पछि आइहाल्यो भने छानविन हुन्छ ।’
वडाध्यक्ष अमर खड्का भने आपूmलाई केही थाहा नहुने र आपूmलाई केही जानकारी नभएको भन्दै पन्छिएका छन् ।
सचिव खड्कालाई यो कसको जिम्मेवारी भित्रको विषय हो ? गलत की ठिक भएको छ ? भन्ने जिज्ञासामा उनले भने, ‘गलत त गलगै गरेकी हुन् गरिहाले खब खै के हुन्छ ?’
यसरी लिएको घुस मिडियाले खोजतलास गर्न थालेपछि सचिव खड्काले पीडितको घरैमा गएर २५ सय रुपैया फिर्ता गरेको पीडितले बताएका छन् । नक्कली रसिदबाट ४ हजार लिएर पनि ५ सय रुपैया फाल्टै खाजा खान दिइएको त्यही गरी २५ सय फिर्ता गरेको पीडितले बताएका छन् ।
दिक्षा ओझा १० वर्ष पहिले एनजीओ मार्पmत सामाजिक परिचालिकाबाट तत्कालिन जिल्ला विकास समितिबाट नियुक्त भइ ०७४को स्थानीय निर्वाचन पछि वडा कार्यालयहरुमा नियुक्ति पाएका थिए ।
ओझाले कम्प्यूटर प्राविधिकको काममा कार्यरत थिए भने उनले सोमबारै वडाकी मनोविमर्शकता उषा चौधरीलाई १२ हजार १५ रुपैयाँ रकम बुझाएर गएको मनोविमर्शकर्ता चौधरीले बताइन् ।
