By Dikendra
झापा। झापाको शिवसताक्षी १ स्थीत धरमपुरमा जारी युवा तथा भेट्रान नकआउट फुुटबल प्रतियोगिताको युवा तर्फ वडा नम्बर १ (रातो) र भेट्रान तर्फ वडा न.९ बिजयी भएको छ। आजको खेल सङ्गै पहिलो समीकरण पूरा भएको छ ।
धरमपुर स्थित फुलबारी रंगशालामा आज भएको पहिलो युवा तर्फको खेलमा आयोजक वडा न. १( रातो)ले वडा नम्बर ६ लाई १ का विरुद्ध ४ गोलको भारी गोल अन्तरले पराजित गरेको छ । उक्त खेलमा वडा नम्बर १ (रातो)ले वडा नम्बर ६ लाई पुरै दबाबमा राखेको थियो । खेलमा ६ न. वडाले पनि केही गोल लगाउने अवसरहरु पाएमो भए पनि १ गोल भन्दा अरु थप्न सकेन ।
खेल पुरै समय अवधि भर १ न.को कब्जामा रहेको थियो । यो जित सङै वडा न. १ (रातो) सेमिफाइनलमा प्रवेश गरेको खेल सम्योजक दिपक दाहालले जानकारी दिएका छ्न । उक्त खेलको म्यान अफ द म्याच बिजेता टिमका हरी खड्का घोषित भएका छ्न ।
उनले टिमका लागि ह्याटि्रक पूरा गरेका थिए । भोलि देखि दोस्रो समीकरणका खेल सुरु हुने छ। जस्मा भोलीको खेल युवा तर्फ एक मात्र खेल वडा नम्बर ८ र १० बिच हुने खेलकुद समितिका सदस्य पेमा तामाङ बताएका छ्न ।
भेट्रान तर्फ
त्यसै गरि आजै भएको भेट्रान तर्फको खेलमा वडा नम्बर ९ बिजयी भएको छ । वडा न. ९ ले वडा न. ७ लाई ट्राइबेकरमा परजित गरि दोस्रो चरणमा प्रबेश गरेको हो । निक्कै रोमान्चक खेलमा निर्धारित समय सम्म गोल रहित बराबरी भएपछी खेल ट्राइबेकरमा धकेलिएको थियो र ट्राइबेकरबाट खेलको छिनोफानो भएको हो । ट्राइबेकरमा ४ का विरुद्ध ५ गोल लगाएर वडा न. ९ ले वडा न.७ लाई स्तब्ध बनाउदै दोस्रो चरणमा पुग्न सफल भएको छ।
उक्त खेलको म्यान अफ द म्याच बिजेता टिमका डिफेन्डर आजित तुम्बापो घोषित भए । भोलि भेट्रान खेल भने स्थगित रहने जनाइएको छ ।
