डिकेन्द्र बस्नेत, झापा । सगरमाथा तेक्वान्दो दमकका संस्थापक अध्यक्ष रहनु भएका स्वर्गीय रास्ट्र कुमार राईको पहिलो स्मृतिको अवसरमा दमक तेक्वान्दो डोजाङद्वारा दिप प्रज्वलन गरिएको छ।
तेक्वान्दो डोजाङको केन्द्रीय कार्यलय समेत रहेको सर्वोदय बोर्डिङ दमक ५ मा ग्रान्ड मास्टरले चिनिनु हुने स्वर्गीय रास्ट्र कुमार राईको सम्झनामा आज आइतबार दिप प्रज्वलन गरिनुको साथै मौन धारण गरिएको थियो ।
सगरमाथा तेक्वान्दो डाेजाङ युकेका संस्थापक तथा स्वर्गीय राईद्वारा दमकमा सगरमाथा तेक्वान्दो सुरुवात गरिएको थियो । उहाँ पुर्व खेलाडि साथै भुपु ब्रिटिस आर्मीमा हुनुहुन्थ्यो ।
स्वर्गीय राईको स्मृति कार्यक्रममा दमक तेक्वान्दो डोजाङका अध्यक्ष जितु धिमाल,तथा आतिथ्यमा नेपाल रास्ट्रिय खेलकुद परिसद (राखेप) सदस्य तथा झापा जिल्ला प्रशिक्षक तथा कोच जितेन्द्र मेचे, यस्तै दमक तेक्वान्दो डोजाङका उपाध्यक्ष तथा सर्वोदय स्कुलका प्रिन्सिपल नवीन योगि, सचिव श्याम आचार्य, कोषाध्यक्ष प्रतिमा तामाङ यस्तै सदस्यहरु संगम राई, राम चन्द्र अधिकारी, भुपालमान पौडेल, इक्सा मादेन, प्रमुख सल्लाहकार तथा फुटबल खेलाडि गजेन्द्र देवान साथै तेक्वान्दो डाेजाङ सम्पूर्ण दमकमा रहेका खेलाडिहरुको सहभागिता रहेको थियो ।
हाल दमक तेक्वान्दोद्वारा सञ्चालित भइरहेको ३ वटा स्कुलमा डोजाङ भइरहेको छ जसमा मदरलण्ड बोर्डिङ , हिम ज्योति तथा सर्वोदय विद्यालयका विद्यार्थीहरु गरि करिब १५० जनाले तालिम लिइरहेको छन र उनिहरु यस खेलप्रति आकर्षित भएको डोजाङ अध्यक्ष जितु धिमालले बताए ।
प्रमुख प्रशिक्षकमा राखेप सदस्य तथा कोच जितेन्द्र मेचे र सहायक प्रशिक्षकहरुमा आयुस धिमाल, प्रतिमा तामाङ, कुसल वाइवा र कपिल धिमालले उनिहरुलाई प्रशिक्षण दिइरहेका छन ।
