डा.भक्त राई🖊️ हेर्ने कथाकी प्रस्तोता विधा चापागाइँले दुई वर्ष अघि बनाएको हेर्ने कथाको पात्र प्रकाश तामाङ अर्थात् काले यतिबेला एकाएक भाइरल भएको छ । युरोप, अमेरिकाजस्तो अत्यन्तै अनकण्टार ठाउँमा पुगेको अपठित नेपाली युवाहरु, साउदी, कतार, बहराइन, ओमान, कुवेद आदि देशमा पुगेर बिचल्ली परेका अपठित कैयौं नेपाली चेलीहरु अनेक प्रयास गरेर नेपाल आइपुग्छन् ।
न उनीहरुले त्यहाँको भाषा बुझ्छन्, न त त्यो देशको कानुन । न त उनीहरुसङ्ग त्यो देशको पैसा हुन्छन् न त हिँडेरै नेपाल आइपुग्न सम्भावना हुन्छ । तर याहीँ काठमाडौ नजिकै गोर्खामा भासिएका त्यो प्रकाश काले आफ्नो जन्मस्थान झापा पुग्न के गारो थियो ? त्यसैले त्यो प्रकाश काले हुतिहारा हो, निकम्मा हो, लमुते हो, बेकुफ हो, भाते हो अनि कामै नलाग्ने लाछी हो । ल त्यो कालेलाई घरको ठेगाना थाहा थिएन रे, आफन्तबारे थाहा थिएन रे थाहै नभै कसरी हेर्ने कथाको टिमले उसलाई कसरी घर पुर्यायो त? उसैले दिएको सूचनाको आधारमा ऊ आफ्नो घर पुग्यो त्यही सूचनाको आधारमा ऊ एक्लै खोज्दै गएको भए पनि त पुग्नेथियो । रह्यो खर्चको कुरा उनको साहुको भनाइ अनुसार “उसको ठेगाना थाहा नभएर मात्र हो नत्र हामी पठाउँथ्यो ” यसबाट के प्रष्ट छ भने प्रकाश कालेले नै घर जान चाहेन ।
नत्र भने त साहुसङ्ग अनुरोध गरेर नत्र विद्रोह गरेरै भने पनि पाँचदश हजार खर्च त मिलिहाल्थ्यो नि । साँच्ची भन्ने हो भने त्यत्रो हिउँपाखामा उकालो उरालो गर्ने मान्छे हिँडेरै पनि चारपाँच दिनमा झापा वा भोजपुर पुगिन्छ । मानिलिउँ साउले पैसा दिदै दिएन रे त्यस्तो अवस्थामा पनि कैयौं बिखर्ची मान्छे अरुकै सहयोगमा कहाँकहाँ पुग्छ त्यो प्रकाश काले चाहिँ पुग्न नसक्ने हुन्छ ? कैयौं अपाङ्ग मान्छे, आँखा नदेख्ने मान्छे देशभर पुग्छ त्यो काले चाहिँ गोर्खाबाट झापा नपुग्ने भन्ने हुन्छ ? ल सानो बालक हुँदा त ऊ घर जान सकेन त्यो उसको बाध्यता थियो जब ऊ जवान भयो, यो उमेरसम्म के हेरेर बस्यो ? त्यत्रो बुढो भैन्जेल बाउआमा, घरपरिवार, गाउँघर जान नखोज्ने अनि कसैले तिम्रो घर जान्छौ ? भन्दा लुसुक्क पछिपछि लाग्नु उसको गल्ती हो । जस्तै लाटाले पनि आफ्नो घरपरिवारको त माया गर्छ नि । कति अपठित गाउँले युवायुवतीहरु विश्वको कस्ता अनकण्टार कुनाबाट त नेपाल आइपुग्छ भने गोर्खाबाट झापा जानु कुनै ठुलो कुरै होइन उसैले नचाहेरै हो ।
धिक्कार होस नेपाली समाज यस्तै हुतिहारा मान्छेलाई सहयोग गर्ने बाहनामा भाइरल बन्न भाइरलेहरुको तछाडमछाड छ । प्रकाशजस्ता हराएको गरिब पात्र त नेपालको गाउँगाउँमा छ सबैलाई घर, जग्गा पैसा, जागिर बाँडेर सकिन्छ ? उसलाई सहयोग गर्नुहुन्न भन्ने मेरो आशय होइन बरु उसलाई त न्याय दिलाई दिने हो । साउसङ्ग उसको परिश्रमको ज्याला दिलाइदिने हो । हो मान्छेलाई पैसा होइन पैसा कमाउने चेतना र सिप बाँड्नु पर्छ ।
मान्छेलाई घरघरमा माछा बाँड्ने होइन माछा उत्पादन गर्ने र खाने सिप पो बाँड्नु पर्छ त । सबै हावाको पछि कुद्ने ? प्रकाशले त अर्काको घरमा दुख पायो आफ्नै घरमा बसेर दुख पाउने कति छन? प्रकाश त आफ्नै देशमा हरायो अन्जान मुलुकको अनकण्टार ठाउँमा हराउनेहरु कति छन ? कसैको चासो छ ? सम्झिदा नि दिक्क लिसा ।
https://www.facebook.com/share/p/VxGTFB6ceKnRmaTU/?mibextid=oFDknk
