डिकेन्द्र बस्नेत, झापा / राष्ट्रिय निजी तथा आवासीय विद्यालय एसोसिएन नेपाल (एन प्याब्सन) झापाको सातौ जिल्ला अधिवेशनले प्रेम लिम्वूलाई अध्यक्ष चयन गरेको छ । विर्तामोडमा शनिबार सम्पन्न जिल्ला अधिवेशनले नामविन अग्रेजी स्कूल शिवसताक्षी १ का लिम्वूलाई सर्वसहमतिले जिल्ला अध्यक्ष चयन गरेको हो ।
यसै गरी एन प्याब्सन जिल्ला कार्यसमितिको उपाध्यक्षद्धयमा ओम विक्रम नेम्वाङ्ग र मोहन आचार्य, सचिवमा भगिरथ राई, कोषध्यक्ष गुणराज गिरी, सहसचिवमा मान बहादुर लिम्वू, सहकोषाध्यक्ष किरण अधिकारी चयन भएको शिखर ज्योति अंग्रेजी स्कूल दमकको संस्थापक तथा नवनिर्वाचित जिल्ला सदस्य मन कुमारी पन्धाकले जानकारी दिनु भयो ।
अधिवेशनले जिल्ला सदस्यहरुमा शिखर ज्योति दमकको संस्थापक तथा जिल्ला सदस्यमा पन्धाक, अमृत सुन्दास, गोविन्द राजवंशी, पुष्कर बुढाथोकी र दुर्गा प्रसाद उप्रेती सर्वसम्मत चयन भएको एन प्याब्सनका केन्द्रीय उपाध्यक्ष तथा निर्वाचन संयोजक ब्रजेन्द्र मिश्रले बताउनु भयो । कोषाध्यक्ष गिरी स्मारिका सामुदायिक अग्रेजी स्कूल, कमल ५ का शिखर ज्योति अंग्रेजी स्कूल दमकको संस्थापक जिल्ला सदस्य मन कुमारी, जिल्ला सदस्य सुन्दास ग्रीन वे अग्रेजी स्कूल दमक ५ का हुनुहुन्छ ।
अधिवेशनका प्रमुख अतिथि संस्थाका केन्द्रीय अध्यक्ष पाण्डब हमालले बोडिङ्ग विधालयलाई पनि सरकारी विधालय सरह अवसर पाउने वातावरण दिनु पर्ने बताउनु भयो । विधार्थीलाई अध्ययनशील बनाउदै शैक्षिक गुणस्तरीय नतिजा दिन सके मात्र अभिभावकको लगानीको सदुपयोग हुने एन प्याब्सन अध्यक्ष हमालको धारणा रहेको छ ।
