म यो देशको नेता हुँ
तिमिले सिक्नपर्ने धेरै कुराहरु छन ।
मेरो देशमा ठूलो मान्छे हुन ।
तिमिले झुटो बोल्न जान्नु पर्छ ।
सडक भरी टाएर बाली
ढुङ्गा मुढा हान्नु पर्छ ।
चोर्न सिक्नै पर्छ ,लुट्न सिक्नै पर्छ ।
परि आए बाउ आमा चुट्न सिक्नु पर्छ।
अपहरण गर्नु पर्छ
गर्नु पर्छ अपशब्द प्रयोग गरि गाली
अनि मात्र बज्दो रहेछ जनताको ताली।
आस्वासनको झुटा भाषण नेता हुन हान्नै पर्छ ।
गलत झुटा जे भए नि,पार्टिको कुरा मान्नै पर्छ ।
जनता मार्नै पर्छ, भट्टिमा हाल्नै पर्छ
चुनाब जित्न दुई चार थान गुण्डा पाल्नै पर्छ ।
म यो देशको नेता हुं
म बाट तिमी सिक्छौ के ?
झुटो नबोली नढाटी राजनितिमा टिक्छौ के ?
तिम्रो देशमा चन्द्रमा पुग्न सिकाउला।
मेरो देशमा चन्द्रमा भोट हाल्न सिकाउछ ।
तिम्रो देशमा देश बनाउन सिकाउला
मेरो देशमा पार्टि बनाउन सिकाउछन ।
चाप्लुसी गर्न सिकाउछ,
पढेर केहि हुन्न साथी,
आन्दोलनले देश बिगार्न सिकाउछ
म हु यो देशको नेता
तिमिले के सिक्दैछौ म बाट ?
म दक्ष युवा बिदेश तार्न सिकाउछु।
रेमिट्यान्स देशमा झार्न सिकाउछु ।
हट्टा कट्टा युवा बिदेशिलाई बेची
लुते कार्यकर्ता पाल्न सिकाउछु।
तिमिले के प्रेरणा पायौ म बाट ?
म हु यो देशको नेता।
