हिमांशु राय ,मोरङ- बेलबारी । आज भदौ २९ अर्थात ५९ बालदिवस को अवसर पारेर पथरीशनिश्चरे वडा नं १० मा रहेको अरुणोदय मा वि ले विभित्र सांगीतिक कार्यक्रमहरु गरेर मनाएको छ ।
कार्यक्रममा गायन तर्फ कक्षा ६ की इसा लिम्बु प्रथम, कक्षा ४ को रुङनीमा राई दोस्रो र कक्षा ६ कै सिसम राई तेस्रो भएका हुन्।
विद्यालयमा अध्यायनरत जम्मा २५ विध्यार्थीहरुले गायन प्रतियोगितामा भाग लिएका निर्णायक अबोध पंधाक लिम्वबुले बताए।
यसैगरि गायन प्रतियोगिता पछी नृत्य प्रतियोगिता पनि गरिईने स्कुल प्रशासनले बताएको छ । पिटिए अध्यक्ष विष्णु राईको सभापतित्वमा भएको कार्यक्रममा विद्यालय ब्यवस्थापन समितिको अध्यक्ष बिन्दु राई प्रमुख अतिथि र विभिन्न संघ संस्थाका प्रतिनिधीहरु एंव समाजसेवीहरु अतिथि का रुपमा आसिन कार्यक्रमलाई प्रिन्सीपल सान्तिदेवी राईको निर्देशनमा कार्यक्रम संञ्चालन भएको थियो।
यसैगरी आजै मोरङ पथरी शनिश्चरे स्थित हिरक आधारभुत बिध्यालयमा ५९ औ बाल दिवसको अवशरमा बिधालय – शिक्षक बिदाइ तथा अक्षय कोष पुरस्कार बितरण कार्यक्रम सम्पन्न भएको छ । निजी विध्यालयको तुलनामा सरकारी बिधालयमा धेरै सुधार गर्न चाहेर नि स्रोतसाधनको अभावले नसकिरहेको अवस्था प्रष्ट देखिएको कुरा स्थानिय युवा समाजसेवी सुमन सुब्बा कुरुङवाङले बताए। धेरै प्रतिभाहरुलाई अवसर दिन नसकिरहदा , धेरै सम्भावना बोकेका बाल बालिकाहरुलाई राम्रो प्रशिक्षण अभावमा मन खिन्न बन्दो रहेछ उनले थपे ।
सबै जनाले यस बिषयमा भाबी दिनमा पनि सोच बिचार गरौ – आगामी दिन अझ फरक र परिवर्तन रहोस र स्थानिय सरकारको निकायले शिक्षाक्षेत्रमा आर्थिक लगानीको साथसाथै आमुलपरिवर्तको लागि अझ धेरै उपाय र विकल्पको खोजि गरोस उनले बताए।
