डेकेनद्र बस्नेत ,झापा । दमक नगर इसाई समाजले २८ औं स्थापना दिवस तथा दोस्रो साधारणसभाको अवसर पारेर फुटसल प्रतियोगिता गर्ने भएको छ।
साउन १८ र १९ गते दमक ५ गोर्खाली टोलस्थित फुटसल खेल मैदानमा प्रथम दमक इसाई समाज फुटसल प्रतियोगिता सञ्चालन हुने भएको हो ।
फुटसल प्रतियोगिता सम्पन्न गर्न ईसाई समाजका सहसचिव तथा युवा संगती दमक नगरका अध्यक्ष सुरज लिम्बुको संयोजकत्वमा समिति गठन भएको छ । पत्रकार भेटघाटमा आयोजक संस्था दमक नगर इसाई समाजका अध्यक्ष पाष्टर आकाश राईले दमकमा इसाई समाजले आयोजना गरेको फुटसल प्रतियोगिता कोशी प्रदेशमै पहिलो भएको बताए ।
फुटसल प्रतियोगितामा अन्तर ईसाई समाजका १६ वटा टिमले सहभागिता जनाउने भएको छ । सो प्रतियोगितामा बिजेता हुने टिमले नगद २० हजार, उपबिजेता टिमले नगद १५ हजार र तेस्रो तथा सान्तवना पुरुस्कार नगद ५ हजारसहित मेडल, ट्रफि र शिल्ड हात पार्ने भएको छ ।
त्यस्तैं, प्रतियोगिताका लागि मूख्य प्रायोजक कर्नर स्टोन फाउन्डेसन दमकले गर्ने भएको छ । प्रतियोगितामा उपबिजेता टिमका लागि पुरुस्कार हार्भेष्ट सामुदायिक सेवा नेपालबाट र सान्तवना पुरुस्कारका लागि ग्रीन-वे एजुकेशनल एकेडेमी दमकले उपल्ब्ध गराउने भएको छ ।
