एसईई भ्रम, यथार्थ र अन्योल ।
एसईई १० कक्षालाई १२ कक्षा बनाएको र स्कुल माथि लगेको हो कि ? क्याम्पसको आईए, आईएसी वा आईकम लेबललाई तल झारेको हो ? सरकारको भाषामा स्कुल माथि लगेको हो । यसर्थ ११ र १२ कक्षा स्कुल लेभल नै हो ।
त्यसो भए उच्च माध्यमिक शिक्षामा यहाँ भर्ना हुन पाइन्छ भनेर कलेजहरुले विज्ञापन गर्न मिल्छ ? यहाँ व्यवस्थापनको पढाइ हुन्छ, यहाँ मानविकी पढाइ हुन्छ, विज्ञानको पढाइ हुन्छ भनेर भन्न मिल्छ ? विद्यार्थी मानविकीमा भर्ना होस् कि व्यवस्थापनमा भर्ना होस्, ऊ कक्षा ११ मै भर्ना हुने होइन र ?
कक्षा ११ मा भर्ना हुँदा दुई वटा कोर्षमा मानविकी लिन्छु, तीन वटा कोर्षमा विज्ञानको लिन्छु र एउटा कोर्ष अरु नै लिन्छु भनेर विद्यार्थीले भन्छ भने खुरुक्क पढ्न पाउने कि नपाउने ?
त्यो दिने किसिमको बुद्धि हाम्रो बजारमा भएका स्कुलहरुमा, उच्च माध्यमिक चलाउनेहरुमा, ११-१२ कक्षा चलाउनेहरुमा छ कि छैन ?
तर यहाँ कलेज संचालकहरु क्याम्पस तल आएको ठान्छन् । यो बजारले कक्षा ११-१२ पढ्ने हिसाबले माध्यमिक चलाएको हो भन्ने बुझिन्छ । सरकारले चाहिँ स्कुल माथि गएको हो भन्ने बुझ्यो । अब यी दुई वटाको बुझाइलाई जोड्न गाह्रो छ ।
यदि स्कुल माथि गएको हो भने, जे पढे पनि हुन्छ । जता पढे पनि हुन्छ । त्यसैले विज्ञानमा भर्ना भएँ भनेर पनि भन्न पाइँदैन । विज्ञानमा गयो तर उसलाई ‘म्यानेजमेन्ट’ को चार वटा विषय पढ्छुभन्दा पढाउनुपर्छ । नपढाएर सुख पाइँदैन । किनभने पैसा लिएको हुन्छ। स्कुलमा त्यो व्यवस्था छैन भने उसले खुलामा पढ्ने कि ? अर्को स्कुलमा पढ्ने कि ? त्यसको पैसाचाहिँ जुन स्कुलमा भर्ना भयो, त्यही स्कुलले तिर्नुपर्छ। त्यो हिसाब मान्ने हो भने ११ कक्षालाई मान्ने हो । अहिलेको पाठ्यक्रमले खोज्ने भनेको त्यहि हो ।
Rajib khatry काे Facebook बाट साभार
