के प्रेरितहरू र अगमवक्ताहरूको अभिषेक बाइबलिय छ?
➡️ प्रेरितहरू र अगमवक्ताहरूको अभिषेक बारे बडदो चासो र प्रश्नहरुको उत्तरमा केही विचारहरू:- 
१) बाइबलका प्रेरितहरू धर्मशास्त्रका लेखकहरू हुन र हामीलाई धर्मशास्त्रमा कुनै कुरा थप्ने अधिकार छैन यसैले कुनै अगुवालाई प्रेरित भन्न सकिन्न ।
२) एक प्रेरित हुनको लागि एक व्यक्ति पुनरुत्थान हुनूभएको ख्रीष्टलाई साक्षात रूपमा देखेको हुन पर्छ । पावल प्रेरित पछि येशूले त्यस्तो उपस्थिति देखाउनु भएको छैन, र पावल त्यस्ता साक्षीहरु मध्ये अन्तिम व्यक्ति थिए । त्यसैले अब प्रेरितहरू हुन सक्दैन। फेरी येशू आफैले शारीरिक रूपमा आफ्ना प्रेरितहरू छान्नु भएको हो जो अब हुन सक्दैन किनकि उहाँ शारीरिक रूपमा पिताको दाहिने हातमा विराजमान हुनुहुन्छ ।
३) बाइबलमा प्रेरितहरूले मात्र चिन्हहरू र आश्चर्यकर्महरू प्रदर्शन गरेका थिए, जो नयाँ करारको पुस्तकहरुको अन्तिम रूप र प्रमाणीकरण नभएसम्म तिनीहरूको सन्देशको मुख्य प्रमाण थियो । मण्डली इतिहासमा यी विशिष्ट चिन्हहरू, आश्चर्यकर्महरू, र चमत्कारहरूलाई बाइबलको अन्तिम रूप र प्रमाणीकरण भएका ६६ वटा पुस्तकहरुले प्रतिस्थापन गरेको छ यसैले सजिलैसँग हामी पक्का गर्न सक्छौं कि प्रेरितहरू र अगमवक्ताहरू आज अस्तित्वमा छैनन्।
४) कोही कोही छन जसले एफिसी ४:११ को आधारमा प्रचारकहरू, मण्डलीका पास्टरहरू र शिक्षकहरूको साथमा प्रेरितहरू र अगमवक्ताहरू पनि प्रभु नफर्कुन्जेल सम्मलाई निरन्तर रहने उपहारको रूपमा बिस्वास गर्छन । यो कुरालाई एकपल्ट माथी र तल दिईएको बिचारले हेर्नू अवश्यक छ ।
५) अन्तमा, प्रेरितहरू मण्डलीको जग (आधारशिलाहरू) हुन् (एफिसी २:२०) र जग एक पटक मात्रै राख्नुपर्छ । पहिलो शताब्दीमा येशू आफै कुने-ढुङ्गो बनेर प्रेरितहरू र अगमवक्ताहरूको जगमाथि बसालेर मण्डली निर्माण गर्नु भएको छ । फेरी अगमवक्ता र प्रेरितहरूको अभिषेक गर्ने शिक्षाले ख्रीषट् बिरोधी बिशेष तीन दण्डनिय काम गर्छ:- (१) बसलेको मण्डलीको जगलाई रद्द गर्ने काम गर्छ (२) बाइबलिय अगमवक्ता र प्रेरितहरूको स्थानलाई खारेज गरेर येशू आफैले बसालेको जगलाई भतकाई नयाँ जग बसलने कुरा गर्छ, र (३) येशूलाई उहाँको काम सिद्ध रूपमा पूरा गर्न नसकेको र अबको नयाँ अगमवक्ता र प्रेरितहरूले त्यो स्थान (ख्रीष्ट्को स्थान) ओटने कोशिस गर्छ ।
