तपाईंको कुकुरले तपाईंलाई भन्न सक्ने १० कुराहरू…
शन्ताेस कार्किकाे फेसबुकबाट:
१• मेरो आयु १० बर्ष देखि १५ वर्ष सम्म रहने सम्भावना छ। तपाईं सँग हुने कुनै पनि बिछोड पीडादायी हुनेछ: तपाईंले मलाई तपाईंको घर लिएर जानू अगाडि यो कुरा याद गर्नुहोस् ।
२• तपाईं मबाट के चाहनुहुन्छ भन्ने कुरा बुझ्नको लागि मलाई समय दिनुहोस्।
३• ममा तपाईंको बिश्वास राख्नुहोस् – यो मेरो कल्याणको लागि महत्त्वपूर्ण छ।
४• मेरो गल्तीमा लामो समयसम्म मसँग नरिसाउनुहोस्, र सजायको रूपमा मलाई कोठामा नथुन्नुहोस्, साङ्लोले नबाध्नुहोस।
५• तपाईंसँग तपाईंको काम, तपाईंको मनोरञ्जन र तपाईंका साथीहरू छन्। मसँग तपाईं मात्र हुनुहुन्छ।
६• कहिलेकाहीँ मसँग कुरा गर्नुहोस्। तपाईंको शब्दहरू नबुझे पनि, मसँग बोल्दा तपाईंको आवाज बुझ्छु।
७• मलाई हेरचाह गर्नुहोस, तपाईले मलाई जस्तो व्यवहार गर्नुहुन्छ, म कहिल्यै बिर्सने छैन।
८• तपाईंले मलाई हिर्काउनु अघि सम्झनुहोस् कि मसँग दाँतहरू छन् जसले तपाईंलाई सजिलै घाउ चोट पुर्याउन सक्छ, तर मैले तपाईंलाई टोक्ने छैन किनभने म तपाईंलाई माया गर्छु।
९• तपाईंले मलाई असहयोगी, जिद्दी वा अल्छी भएकोमा गाली गर्नु अघि, आफैलाई सोध्नुहोस् कि कुनै कुराले मलाई दुखी बनाइ रहेको हुन सक्छ। सायद मैले सही खाना नपाइरहेको हुन सक्छु, वा म धेरै लामो समय देखि बाहिर हुनसक्छु, वा मेरो शरीर धेरै बुढो र कमजोर हुँदैछ।
१०• म बुढो हुँदा मेरो ख्याल राख्नुहोस्; एकदिन तपाईं पनि बूढो हुनुहुनेछ। मेरो अन्तिम सास जाँदै गर्दा तपाईं म नजिक आएर बस्नुहोस। यो कहिल्यै नभन्नुहोस्: “म हेर्न सक्दिन” वा “यो मेरो अनुपस्थितिमा हुन दिनुहोस्।” तपाईं मेरो नजिक हुनुहुन्छ भने मेरो मृत्यु पनि मलाई सजिलो हुनेछ।।
********
