काठमाडौं । नेपालका दुई ठूला कम्युनिष्ट पार्टीका अध्यक्षद्वय केपी शर्मासँग भिडियो संवाद गरेका चिनियाँ कम्युनिस्ट पार्टीका विदेश विभाग प्रमुख लिउ जियाञ्चाओ २६ असारमा नेपाल भ्रमणमा आउने भएका छन् ।
लिउ आकस्मिक रूपमा नेपाल भ्रमणमा आउन लागेका हुन् । सीपीसीको विदेश विभाग प्रमुख सम्हालेपछि लिउको पहिलो विदेश भ्रमण नेपाल रहेको बताइएको छ ।
कूटनीतिक स्रोतका अनुसार चार दिने नेपाल भ्रमणमा आउन लागेका लिउको मुख्य उद्देश्य वाम गठबन्धनका लागि बल पुर्याउनु रहेको छ ।
स्रोतले भन्यो, ‘निर्वाचन अघि नै वाम गठबन्धन गर्न दबाब दिने उद्धेश्यले उनी नेपाल आउन लागेका हुन्’, । स्थानीय तहको निर्वाचनअघि नै दुई पार्टीबीच गठबन्धन गराउने कोसिस भएको थियो तर एमालेबाट विभाजन भएको नेकपा एसका कारण गठबन्धन हुन सकेको थिएन ।
अहिले भने सकेसम्म एमालेबाट विभाजन भएको एस पार्टीलाई पनि मिलाउने गरी चिनिया पक्षले तयारी गरेको छ । आउने चुनावमा संसदमा वामपन्थीहरूको उपस्थिति बलियो होस् भन्ने चिनियाँ चाहना रहेको छ र सकेसम्म एमाले र माओवादी केन्द्र आउने चुनावमा गठबन्धन गरेर जाउन् भन्ने पनि रहेको छ ।
खासगरी चिनिया नेताहरुले एमाले र माओवादी केन्द्रका नेताहरुलाई चीनमै बोलाएर वामगठबन्धनको विषयमा कुराकानी गरेका थिए । केपी ओली सकारात्मक बने केही समयभित्रै वामगठबन्धन हुने चिनियाँहरुको बुझाइ रहेको छ ।
